ވޯޓުލުމުގެ ވަގުތު ހަމަވުމާއެކު ކިއުތައް ބަންދުކުރަން ފަށައިފިއެވެ.
މިއަދު ހެނދުނު 8 ޖެހިއިރު ވޯޓުލާން ފެށީ 4 ޖަހާއިރު ކިއު ބަންދުކުރާގޮތަށެވެ. ނަމަވެސް މިއަދު ހޫނު ގަދަވެ ގިނަ ބަޔަކު ވޯޓުލުމަށް ނިކުންނަން ފެށުމާއެކު އިލެކްޝަންސް ކޮމިޝަނުން ވަނީ 5 ޖެހުމާހަމައަށް ވޯޓުލުމުގެ ވަގުތު އިތުރުކޮށްފައެވެ.
އިލެކްޗަންސް ކޮމިޝަނުން ބުނީ މިހާތަނަށް މައިގަނޑު ބޮޑު ޝަކުވާއެއް ހުށައަޅާފައިނުވާކަމަށެވެ.
މިއަދު ކުރިއަށްގެންދިޔަ 3 އިންތިޚާބުގައި ޖުމްލަ 588 ވޯޓު ފޮށި ބަހައްޓާފައިވެއެވެ. މިއަދު ކުރިއަށްދިޔަ ކައުންސިލް އިންތިޚާބަށް 1593 ކެންޑިޑޭޓުން ވާދަކުރިއެވެ. އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބަށް 1368 ކެންޑިޑޭޓުން ވާދަކުރިއެވެ.
މީގެ އިތުރުން ރިޔާސީ އިންތިޚާބާއި މަޖިލިސް އިންތިޚާބު އެއް ދުވަހެއްގައި ބޭއްވުމަށް ފެންނަ ނުފެންނަ ވޯޓުވެސް މިއަދު ވަނީ ނަގާފައެވެ.
ވޯޓު ފޮށިތައް މިހާރު ބަންދުކޮށްފައިވާއިރު، ކުޑަ ވަގުތުކޮޅެއްފަހުން ވޯޓު ގުނަން ފަށާނެއެވެ.
ކިޔުންތެރިންގެ ހިޔާލު