މިއަދު ކުރިއަށްދާ އިންތިޚަބާގުޅޭގޮތުން މައިގަނޑު ބޮޑު ޝަކުވާއެއް ހުށައަޅާފައިނުވާކަމަށް އިލެކްޝަންސް ކޮމިޝަންގެ ރައީސް މުޙައްމަދު ޒާހިދު ވިދާޅުވެއްޖެއެވެ.
އިންތިޚާބާ ގުޅޭގޮތުން މީޑިއާއަށް މަޢުލޫމާތު ދެއްވަމުން ޒާހިދު ވިދާޅުވީ، މިހާތަނަށް ވޯޓުލީ މީހުންގެ ޢަދަދަށްބަލާއިރު ރަނގަޅުކަމަށެވެ. އަދި އެދެނީ ވީހާވެސް ގިނަ ބަޔަކު ވޯޓުލުމަށް ނިކުތުމަށްކަމަށްވެސް ޒާހިދު ވިދާޅުވިއެވެ. މިހާތަނަށް ވޯޓުލުމުގެ ކަންކަން ގިނަ ފޮށިތަކުގައި ކުރިއަށްދަނީ އަމާންކަމާއެކުގައި ކަމަށާއި، ބައެއް މަރުކަޒުތަކުން ކުދި ޝަކުވާތަކެއް ހުށަހަޅާފައިވާ ކަމަށާއި އެކަންކަން ހައްލު ކުރައްވަމުންދާ ކަމަށް ވިދާޅުވިއެވެ. ނަމަވެސް މާބޮޑު ޝަކުވާތަކެއް މިހާތަނަށް ލިބިފައި ނުވާ ކަމަށް ވިދާޅުވިއެވެ.
އިލެކްޝަންސް ކޮމިޝަނުން ވަނީ ހަވީރު 5 ޖެހުމާއި ހަމައަށް ވޯޓުލުމުގެ ވަގުތު އިތުރުކޮށްފައެވެ.
މިއަދުގެ އިންތިޚާބުތަކުގައި ވޯޓު ލުމުގެ ޙައްގު 294،876 މީހަކަށްވަނީ ލިބިފައެވެ. އެއީ 150،370 ފިރިހެނުންނާއި 144،506 އަންހެނުންނެވެ.
އާންމުންނަށް ވޯޓުލެވޭނެ ފަސޭހަ އިންތިޒާމުތަކެއް ހަމަޖެއްސުމަށް ރާއްޖޭގެ އެކި ސަރަޙައްދުތަކުގައި 588 ވޯޓު ފޮށިވަނީ ބަހައްޓާފައެވެ.
ކިޔުންތެރިންގެ ހިޔާލު