ދ. އަތޮޅުގައި މޫދަށް އެރި އުޅުނު ޓޫރިސްޓަކު ދޯންޏެއްގެ ބުރަފަތީގައި ޖެހި މަރުވެއްޖެއެވެ.

ފުލުހުން ބުނީ ފެންފުށިީގެ ވޭލް ޝާކް ޕޮއިންޓަށް އެރި އުޅެނިކޮށް ޖަރުމަނުގެ ފިރިހެނެއް މަރުވެގެން ހެނދުނު 10 ޖަހާކަށްހާއިރު ރިޕޯޓުކޮށްފައިވާ ކަމަށާއި، އެ މައްސަލަ ތަހުގީގުކުރަމުންދާކަމަށެވެ. އަދި އިތުރު ތަފްސީލު ހާމަކޮށްފައެއް ނުވެއެވެ.

އދ. އަތޮޅަކީ ލޯކަލް ޓޫރިޒަމް ވަރަށް ބާރަށް ކުރިއަރަމުން އަންނަ އަތޮޅެކެވެ. އެ އަތޮޅުގައި މީގެ ކުރިންވެސް ކަނޑުމަތީގައިި ޓޫރިސްޓުންނާއެކު ތަފާތު އެކި ހާދިސާތައް ހިނގާފައިވެއެވެ. ހާއްސަކޮށް، ފެހުރިހި ބަލަން ގިނަ އަދަދެއްގެ ޓޫރިސްޓުން ދަތުރުކުރާ ސައުތުއަރި މެރިން ޕްރޮޓެކްޓެޑް އޭރިއާ” ނުވަތަ ސަންޕާގައި ގިނައެވެ. އެހެންކަމުން  ތިމާވެށްޓަބެހޭ ވުޒާރާއިން މިދިޔަ އަހަރު ވަނީ ފެހުރިހި ބަލަން ޓޫރިސްޓުން ގޮވައިގެން ސަންޕާ އަށް ދާ ކޮންމެ އުޅަނދެއްގެ ބުރަފަތީގައި ގާޑު އެޅުވުން ލާޒިމްކޮށްފައެވެ.