ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ އަމާން ދޯދި ފްލެޓެއް 23،000 ރުފިޔާއަށް ކުއްޔަށްދޭން އިއުލާންކޮށްފިއެވެ.
ޓިކްޓޮކް އިންފްލުއެންސާ ޝެހެނާޒް މޫސާ (ޝެހޭ)، ސޯޝަލް މީޑިއާ މެދުވެރިކޮށް ވަނީ އެ ފްލެޓް ކުއްޔަށްދޭން އިއުލާންކޮށްފައެވެ.
އޭނާގެ ޕޯސްޓްގައި ވަނީ ހުޅުމާލޭ ދެވަނަ ފިޔަވަހިން މުޅިން އާ އެޕާޓްމަންޓެއް ކުއްޔަށް ލިބެން އެބަހުރި ކަމަށެވެ. އަދި ފޯނު ނަންބަރަކަށް ޖަހާފައި ވަނީ ޓިކްޓޮކް ރޭޑިއޯގެ ނަމުން މަޝްހޫރު މަރިޔަމް ރުހުޝާއެވެ.
މަރިޔަމް ރުހުޝާއަށް ވަނީ އަމާން ދޯދި ފްލެޓެއް ލިބިފައެވެ. އަދި އެފްޑީސީ ފްލެޓްތައް ފިޔަވައި އެހެން އެއްވެސް ފްލެޓެއް ހުޅުމާލެ ދެވަނަ ފިޔަވަހީގައި އިމާރާތްކޮށްފައެއް ވެސް ނުވެއެވެ.
މިކަމާ ގުޅިގެން އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވީ އެ މައްސަލަ ބެލުމަށް މިހާރު އަންގާފައިވާ ކަމަށެވެ.
ސޯޝަލް ހައުސިންގެ ދަށުން ދޫކޮށްފައިވާ ފްލެޓްތައް ކުއްޔަށްދޫކުރުމަކީ ރާއްޖޭގައި ވަރަށް އާންމު ކަމެކެވެ. އެކަން ހައްލުކުރަން ގާނޫނެއް ހެދުމަށް ސަރުކާރުން އަންނަނީ މަސައްކަތް ކުރަމުންނެވެ.
ކިޔުންތެރިންގެ ހިޔާލު