ދ. ކުޑަހުވަދޫ ބަނދަރު ތަރައްގީކުރުމުގެ މަސައްކަތް ހަލުވި ކަމާއެކު ކުރިއަށްދާކަމަށް އެމްޓީސީސީއިން ވިދާޅުވެއްޖެއެވެ.
އެމްޓީސީސީއިން ވިދާޅުވީ ކުޑަހުވާދޫ ބަނދަރު ތަރައްގީކުރުމުގެ މަޝްރޫއުގެ ދަށުން މިހާރު ކުރިއަށްދަނީ އާ ބަނދަރުގެ ބޭސިން ކޮނުމުގެ މަސައްކަތް ކަމަށެވެ. އަދި ކުއޭ ވޯލްގައި އިންސްޓްލޭޘަން މަސައްކަތްތައް ވެސް ކުރަމުންދާ ކަމަށް ވިދާޅުވިއެވެ.
މި މަޝްރޫއުގައި، 103،122 ކިއުބިކް މީޓަރުގެ ސަރަހައްދެއްގެ ފަޅު ފުންކުރުމާއި، 5،545 ކިއުބިކް މީޓަރުގެ ސަރަހައްދެއްގެ ނެރު ފުން ކުރުމާއި، 180 މީޓަރުގެ ބޭރުތިއްޓެއް ލުމާއި، 372 މީޓަރުގެ ސަރަހައްދެއްގެ އެއްގަމުގައި ތޮށި ލުމާއި، 115 މީޓަރުގެ ސަރަހައްދެއްގައި ރިވެޓްމެންޓް ޖެހުން ހިމެނޭ ކަމަށް އެމްޓީސީސީއިން ވިދާޅުވެއެވެ.
އަދި 70 މީޓަރުގެ ދިގު ދެ މީޓަރު ފުޅާ ބްރިޖެއް ހެދުމާއި، 90 މީޓަރު ދިގު ދެ މީޓަރު ފުޅާ ޖެޓީއެއް ހެދުމާއި، 2،265 އަކަ މީޓަރުގެ ޕޭވްމެންޓެއް ހެދުމާއި، ބަނދަރު ބައްތި އާއި މޫރިންގް ބޯއީސް ހަރުކުރުމުގެ މަސައްކަތް ހިމެނޭ ކަމަށެވެ.
މި މަޝްރޫއަކީ 83.3 މިލިއަން ރުފިޔާގެ މަޝްރޫއެކެވެ.
ކިޔުންތެރިންގެ ހިޔާލު