ކުރިއަށް އޮތް ލޯކަލް ކައުންސިލް އިންތިޚާބުގައި އިދިކޮޅު އެމްޑީޕީން މާލޭގެ މޭޔަރު ކަމަށް ވާދަކުރައްވާނެ ކެންޑިޑޭޓަކު ހޮވުމަށް މިއަދު ބޭއްވި ޕްރައިމަރީ މިހާރުގެ މޭޔަރު އާދަމް އާޒިމް ކާމިޔާބު ކުރައްވައިފިއެވެ.
މިހާތަނަށް ލިބިފައިވާ މައުލޫމާތުތަކަށް ބަލާއިރު 60 ޕަސެންޓަށް ވުރެ ބޮޑު ޕަސެންޓޭޖަކުން އާދަމް އާޒިމް ވަނީ ކުރި ހޯއްދަވާފައެވެ. އެހެންކަމުން މި ނަތީޖާއަށް ބަދަލުއައުމަކީ ނާދިރު ކަމެކެވެ.
އާދަމް އާޒިމާ ވާދަކުރެއްވީ މެދުހެންވޭރު ދާއިރާގެ ކުރީގެ މެންބަރު އަލީ އާޒިމެވެ.
އާދަމް އާޒިމަކީ ކުރީގެ ރައީސް މުހައްމަދު ނަޝީދާއި އެމްޑީީގެ ކުރީގެ ޗެއާޕާސަން ފައްޔާޒް އިސްމާއީލް ތާއީދު ކުރެއްވި ކެންޑިޑޭޓެވެ. އާދަމް އާޒިމަކީ ކުރީގެ ރައީސް އިބްރާހީމް މުހައްމަދު ސޯލިހު ތާއީދު ކުރެއްވި ކެންޑިޑޭޓެވެ.
މާލޭގެ މޭޔަރު ކަމަށް ވެރިކަންކުރާ ޕީއެންސީން ވާދަކުރައްވަނީ ގައުމީ ބަތަލު އަދި ކުރީގެ ޑިފެންސް މިނިސްޓަރު މޫސާ އަލީ ޖަލީލެވެ.
ކިޔުންތެރިންގެ ހިޔާލު