މި ބޮޑު ޗުއްޓީއާ ދިމާކޮށް އުމްރާއަށް ދިޔަ ދިވެހިންގެ ތެރެއިން 2 މީހަކު ނިޔާވެއްޖެއެވެ.
އިސްލާމިކް މިނިސްޓްރީން ބުނީ ނިޔާވެފައި ވަނީ ސަފާ ގުރޫޕުން ދިޔަ ފިރިހެނަކާއި ހިޖާޒް ގުރޫޕުން އުމްރާއަށް ދިޔަ ފިރިހެނެއް ކަމަށެވެ. އެ ދެ މީހުންގެ ޖަނާޒާގެ ކަންކަން މިހާރު ވަނީ ނިމިފައެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ މިދިޔަ ޑިސެމްބަރު މަހާއި މިމަހު 7000 އަށްވުރެ ގިނަ ދިވެހިން އުމްރާއަށް ދާނެ ކަމަށެވެ.
ޝަހީމް ވިދާޅުވީ ޖުމްލަކޮށް ހުރިހާ އުމްރާވެރިންގެ ހާލުވެސް ރަނގަޅު ކަމަށެވެ. ނަމަވެސް އެޑްމިޓްކޮށްގެން ފަރުވާ ދެމުންދާ ބަލި މީހަކު ރާއްޖެ ގެނައުމުގެ މަސައްކަތް ކުރަމުންދާކަމަށާއި މިމަހުގެ 10 ވަނަ ދުވަހު އެމީހާ ރާއްޖެ ގެނެވޭނެ ކަމަށްވެސް މިނިސްޓަރު ވިދާޅުވިއެވެ.
ކިޔުންތެރިންގެ ހިޔާލު