ކުރީގެ ރައީސް މައުމޫން ޢަބްދުލްޤައްޔޫމްގެ ‘ދަ މައުމޫން ފައުންޑޭޝަން’ގެ ސީއީއޯ ކަމުގެ މަގާމަށް، އެމަނިކުފާނުގެ ވެރިކަމުގައި މިނިސްޓަރުކަން ކުރެއްވި އަބްދުﷲ ކަމާލުއްދީން, އައްޔަނުކުރައްވައިފިއެވެ.
މައުމޫން ފައުންޑޭޝަނަކީ 2010 ވަނަ އަހަރު ރައީސް މައުމޫން އިސްވެ ހުންނަވައިގެން އުފެއްދެވި އަމިއްލަ ޖަމިއްޔާއެކެވެ.
އެކްސްގައި ކުރެއްވި ޕޯސްޓެއްގައި މައުމޫން ވިދާޅުވީ، އަބްދުالله ކަމާލުއްދީންގެ ތަޖުރިބާގެ ސަބަބުން މައުމޫން ފައުންޑޭޝަންގެ މަސައްކަތަށް އިތުރު ކުރިއެރުމެއް ލިބިގެންދާނެ ކަމަށް އެމަނިކުފާނު ގަބޫލުފުޅުކުރައްވާ ކަމަށެވެ.
ފިޝަރީޒް މިނިސްޓަރެއްގެ އިތުރުން އަބްދުﷲ ކަމާލުއްދީން ވަނީ ރައީސް މައުމޫންގެ ވެރިކަމުގައި އެކި މަގާމްތައް ފުރުއްވާފައެވެ.
މައުމޫން ފައުންޑޭޝަނުން ވަނީ ރާއްޖެއިން ބޭރުގައި މަތީ ތައުލީމު ހާސިލުކުރަން މީގެކުރިން ސްކޮލާޝިޕްގެ ފުރުސަތުތަކެއް ވެސް ފަހިކޮށްދީފައެވެ.
ކިޔުންތެރިންގެ ހިޔާލު