އިންޖީނު ހުއްޓުމުގެ ސަބަބުން އޮޔާ ދިޔަ ދޯންޏެއްގައި ތިބި ބަޔަކު ސަލާމަތްކޮށްފައިވާކަމަށް ފުލުހުން ބުނެފިއެވެ.
ފުލުހުން އެކްސްގައި މިރޭ ކުރި ޕޯސްޓެއްގައި ބުނީ މިއަދު 15:50 އެހާކަންހާއިރު، ފުވައްމުލަކު ސިޓީއިން މަސްބާނަން ނިކުމެ އުޅުނު “ސަވާރީ” ނަމަކަށް ކިޔާ ދޯނީގެ އިންޖީނު ހުއްޓި އޮޔާދާކަމުގެ މައުލޫމާތު ލިބުނު ކަމަށެވެ.
އެ މައުލޫމާތު ލިބުމުން ފުލުހުންވަނީ އެ ސަރަހައްދަށް ގޮސް ދޯނިން ދަތުރުކުރަމުންދިޔަ 10 މީހަކު ޕޮލިސް ލޯންޗުގައި، ފުވައްމުލަކަށް ގެންގޮސްފައިކަމަށް ފުލުހުން ބުންޏެވެ. އޭގެ ތެރޭގައި ހިމެނެނީ ހަތް އަންހެނުންނާއި، ކުޑަކުއްޖެއްކަމަށް ފުލުހުން ބުންޏެވެ.
އެހެން ދޯންޏެއްގައި އެހީގައި “ސަވާރީ” ދޯނި މިހާރުވަނީ ފުވައްމުލަކަށް ގެންގޮސްފައިކަމަށް ފުލުހުން ބުންޏެވެ.
ކިޔުންތެރިންގެ ހިޔާލު