ރާއްޖޭގެ އިގުތިސާދީ ސަރަހައްދުގައި ގާނޫނާ ހިލާފަށް ވަދެގެން އުޅުނު ސްރީލަންކާގެ ދެ މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެންގޮސްފިއެވެ.
އެމްއެންޑީފުން ބުނިގޮތުގައި މި ބޯޓުތައް ހިފަހައްޓާފައި ވަނީ، ސަރަހައްދީ ގައުމުތަކުން ހިއްސާކުރި މައުލޫމާތުގެ ޒަރިއްޔާއިން، އެއްކުރި މައުލޫމާތުގެ އަލީގައި އެމްއެންޑީއެފް ކޯސްޓްގާޑާއި އެމްއެންޑީއެފް އެއާ ކޯއިން ހިންގި ސާވެއިލަންސް އޮޕަރޭޝަނެއްގެ ތެރެއިން އިއްޔެ ހެނދުނެވެ.
އެ ބޯޓުތައް ހިފެހެއްޓީ އިއްޔެ ހެނދުނު 08:30 ހާއިރު، ހއ. ކެލާގެ އިރުން 51 ނޯޓިކަލް މޭލު ބޭރުގައި ހަރަކާތްތެރިވަނިކޮށް ކަމަށެވެ.
އެ ދެ ބޯޓު މިހާރު ވަނީ ކުޅުދުއްފުށީ ސިޓީ ބަނދަރަށް ވައްދައި ފުލުހުންނާ ހަވާލުކޮށްފައި ކަމަށާއި އަދި ފުލުހުން މިހާރު ދަނީ މިކަމާ ގުޅޭ ތަހުގީގެއް ކުރިއަށްގަންދަމުން ކަމަށް އެމްއެންޑީއެފުން މައުލޫމާތުދެއެވެ.
ގަވާއިދާ ހިލާފަށް ރާއްޖެ ސަރަހައްދަށް ވަދެއުޅޭ މަސްބޯޓުތައް އެމްއެންޑީއެފުން ހިފަހައްޓައެވެ.
ކިޔުންތެރިންގެ ހިޔާލު