ޖަލުތަކުން އެކިއެކި ސްކޭމް ކޯލްތައް ކުރުން އިތުރުވެފައިވާތީ، އެފަދަ މައްސަލަތައް ރިޕޯޓްކުރަން ސަރުކާރުން ހާއްސަ ޕޯޓަލެއް ގާއިމްކޮށްފިއެވެ.
ހޯމް މިނިސްޓްރީން ބުނީ ޖަލުތަކުގައި ތިބޭ ގައިދީން އެކި ފަރާތްތަކަށް ގުޅައި ގާނޫނާއި ގަވާއިދާ ޚިލާފު އަމަލުތައް ހިންގާކަން ފާހަގަކުރެވިފައިވާ ކަމަށެވެ.
ޖަލުތަކުން ކުރާ ކޯލެއް ކަމަށް ޝައްކުކުރެވޭނަމަ، މި ލިންކަށް ވަދެ، ގުޅި ނަންބަރުގެ މައުލޫމާތު ހިއްސާކޮށްދިނުމަށް އެ މިނިސްޓްރީން ވަނީ އެދިފައެވެ.
ޖަލުގައި ތިބޭ ގައިދީން އެކި މީހުންނަށް ގުޅައި އޮޅުވާލައިގެން މީހުންގެ އަތުން ފައިސާ ހޯދުމަކީ އާންމު ކަމެކެވެ. އޮޅުވާލައިގެން ފައިސާ ހޯދުމަށް އެކި އުޅުތައް ގައިދީން ބޭނުންކުރެއެވެ. އެހެންކަމުން އެފަދަ ފަރާތްތަކަށް ފުރުސަތު ނުދިނުމުގެ ގޮތުން ކާކުކަން ނޭނގޭ މީހަކު ގުޅައި ވާހަކަދައްކާ ފަރާތްތަކުން ބުނާ އެއްވެސް ކަމެއް ނުކުރުމަށް ފުލުހުން އިލްތިމާސްކުރެއެވެ.
ކިޔުންތެރިންގެ ހިޔާލު