ގެދޮރު އިމާރާތްކުރަން ސަރުކާރާއި ގައުމީ ބޭންކު، ބީއެމްއެލް ގުޅިގެން ދޫކުރާ ހިޔާވަހި ލޯނާ ގުޅިގެން ރައްޔިތުން ހިއްސާކުރި ކަންބޮޑުވުންތައް އަޑުއައްސަވައި ރައީސް ޑރ. މުހައްމަދު މުއިއްޒު އެކަންބޮޑުވުންތަކަށް ހައްލު ގެނެސްދެއްވައިފިއެވެ.
ހިޔާވަހި ލޯނު ސްކީމަށް އެދި ހުށަހެޅުމުގެ ޝަރުތުތައް މިހާރު އޮތްގޮތުން ގިނަ ބަޔަކު އެ ލޯނަށް ޝަރުތުހަމައެއް ނުވެއެވެ. މިކަމުގެ ސަބަބުން ގެދޮރު އިމާރާތްކުރަން އާންމު ރައްޔިތުންނަށް ވަނީ ވަރަށް ބޮޑު ދަތިކަމަކަށްވެފައެވެ.
މާފަންނު ރައްޔިތުންނާ މިރޭ ރައީސް ބައްދަލުކުރެއްވުމުން ވެސް ރައްޔިތުން ވަނީ އެކަމުގެ ކަންބޮޑުވުންތައް ހިއްސާކޮށްފައެވެ.
އެކަންބޮޑުވުންތައް އަޑުއެއްސެވުމަށްފަހު ރައީސް ވިދާޅުވީ ހިޔާވަހި ލޯނުގެ ދެވަނަ ބުރަށް ހުޅުވާލަން މިހާރު ނިންމާފައިވާ ކަމަށެވެ. އެގޮތުން އެ ލޯނުގެ ދެވަނަ ބުރަށް ހުޅުވާލާއިރު، ލޯނަށް ޝަރުތުހަމަވާނެ ލުއި ގޮތްތަކެއް ކަނޑައަޅާފައިވާނެ ކަމަށް އެމަނިކުފާނު ވިދާޅުވިއެވެ.
އެހެންކަމުން ގިނަ އަދަދެއްގެ ރައްޔިތުންގެ ކަންބޮޑުވުންތަކަށް ހައްލު ލިބޭނެއެވެ. މިރޭގެ ބައްދަލުވުމުގައި ރައީސް ވަނީ ރައްޔިތުން ސަރުކާރާ މެދު ނުރެހޭ ކަމެއްވާނަމަ އެކަމެއް ތަފްސީލުކޮށް އެމަނިކުފާނާ ހިއްސާކުރެއްވުމަށް ފުރުސަތު ދެއްވާފައެވެ.
ކިޔުންތެރިންގެ ހިޔާލު