އަންހެނުންނަށް ކުރާ އަނިޔާތަކުން އެ މީހުންނަށް ރައްކާތެރިކަން ހޯދައިދޭން ފަސްޖެހިގެންނުވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މިއަދު ފާހަގަކުރާ އަންހެނުންނަށް ކުރާ އަނިޔާއާ ދެކޮޅު ދުވަހާ ގުޅުވައި އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ އަންހެނުންނާއި އަންހެން ކުދިންނަށް ކުރިމަތިވާ އެކި ބާވަތުގެ އަނިޔާވެރިކަމުން ރައްކާތެރިކުރުމަށް ފަސްޖެހިގެން ނުވާނެ ކަމަށެވެ. ސަމާލަތާއި ރައްކާތެރިކަން ކަށަވަރުވެފައިވާ މުޖުތަމައެއް ބިނާކުރުމަކީ އެންމެންގެ ޒިންމާއެއް ކަމަށް އެމަނިކުފާނު ވިދާޅުވިއެވެ.
އެންމެންގެ ދިރިއުޅުމާ ޓެކްނޮލޮޖީ ގުޅިލާމެހިފައިވާ މި ޒަމާނުގައި އޮންލައިން ޕްލެޓްފޯމްތައް މެދުވެރިކޮށް ފުރައްސާރަ އާއި ނާޖާއިޒު ފައިދާ ނެގުމުގެ ފުރުސަތު ބޮޑުވެފައިވާ ކަމަށް އެމަނިކުފާނު ވިދާޅުވިއެވެ.
On this International Day for the Elimination of Violence Against Women, we reaffirm our unwavering commitment to protecting every woman and girl from all forms of violence. It is our responsibility to build a society where safety and security are guaranteed for all.
As our…
— Dr Mohamed Muizzu (@MMuizzu) November 25, 2025
އެހެންކަމުން އަންހެނުންނަށް ރައްކާތެރި މާހައުލެއް ފޯރުކޮށްދީ ގައުމުގެ ކުރިއަށް ގެންދަން އެންމެން އެކީ މަސައްކަތްކޮށްގެން އަންހެނުންނާއި އަންހެން ކުދިން ބާރުވެރިކޮށް، އެ ކުދިން ކުރިއަށް ގެންދަން ޖެހޭ ކަމަށް ރައީސް ވިދާޅުވިއެވެ.
އދ. އިން ނެރުނު ރިޕޯޓުގައިވާ ގޮތުން ބައިވެރިޔާ ނުވަތަ އާއިލާގެ މެންބަރުންގެ އަނިޔާތަކުގައި މިދިޔަ އަހަރު 50،000 އަންހެނުން މަރާލާފައިވެއެވެ.
ކިޔުންތެރިންގެ ހިޔާލު