ކުއްލި ޚަބަރު

ރާއްޖޭގައި މިހާރު ގޭންގެއް ނެތް: ރައީސް

އިނާޒު ދެއްވި ޔަގީންކަން: ގަވާއިދާ ޚިލާފު އެއްވެސް ކަމެއް ޕެންޝަން އޮފީހުން ނުކުރޭ

ޓްރަމްޕް ބްރޭންޑުގެ ރިސޯޓެއް ރާއްޖޭގައި ހަދަނީ

ރާއްޖޭގައި މިހާރު ގޭންގެއް ނެތް: ރައީސް

ރާއްޖޭގައި މިހާރު އެއްވެސް ގޭންގެއް ނެތް ކަމަށާއި ގޭންގު ކުށްތައް ހުއްޓުވުމުގެ ގާނޫނުގެ ދަށުން ޝަރީއަތަށް ގޮސް މިހާތަނަށް ގޭންގެއް ކަނޑައަޅަން ޖެހިފައިނުވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

މި ސަރުކާރުގެ “ހަފުތާ 104” ފާހަގަކުރުމަށް ޒުވާނުންގެ މަރުކަޒުގައި މިރޭ ބޭއްވި ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ އެންމެންގެ އެއްބާރުލުމާއެކު ކުރިއަށްއޮތް ތިން އަހަރު ދުވަހުގެ ތެރޭގައި ޑްރަގާއި ގޭންގު ކުށްތައް އަދި ބިދޭސީންގެ މައްސަލަ ހައްލުކުރެވޭނެ ކަމަށެވެ.

ގޭންގު ކުށްތައް ހުއްޓުވުމުގެ ގާނޫނުގެ ދަށުން ފުލުހުން ޖެހެނީ ޕީޖީއަށް ފޮނުވައިގެން، ޕީޖީން ކޯޓަށް ގޮސްގެން ގޭންގެއް ކަމަށް ކަނޑައަޅަން ކަމަށާއި ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ދަންނަވާފައިވަނީ ޝަރުތު ހަމަވާ އެއްވެސް ގޭންގެއް ނެތް ކަމަށް ޕީޖީން އަންގާފައިވާ ކަމަށް އެ މަނިކުފާނު ވިދާޅުވިއެވެ.

“ކުރީގައި ގޭންގުތަކުގައި އުޅުނު ހުރިހާ ފަރާތްތަކުން އެކަން ހުއްޓާލައިފި. މިހާރު އެ ކުދިން، ޒުވާނުން މިހާރު ވިޔަފާރިކުރުމާއި އަބުރުވެރި ދިރިއުޅުމެއް އުޅެވޭތޯ ނޯމަލް ލައިފަކަށް ގޮސްފި. މިހާރު ގޭންގުތަކޭ މި ކިޔާ ގޭންގުތައް ވަރަށް މަދުވެއްޖެއޭ، އެހެންވީމާ ތިމަންނަމެން މިހާރު ގޭންގުތަކުގެ ގޮތުގައި ކަނޑައަޅާނެ ފަރާތެއް ނުފެނިގެންނޭ މި އުޅެނީ،” އެ މަނިކުފާނު ވިދާޅުވިއެވެ.

ރައީސް އިތުރަށް ވިދާޅުވީ އެއީ ވަރަށް ބޮޑު ކުރިއެރުމެއް ކަމަށާއި ހަރުކަށި ގާނޫނުތައް ގެންނަނީ ޒުވާނުން އެކަމުން ސަލާމަތްކުރަން ކަމަށެވެ. އޭގެ ނަތީޖާ ގޭންގު ގާނޫނުން ވެސް ފެންނަ ކަމަށް އެ މަނިކުފާނު ވިދާޅުވިއެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

ތިން ކޮޓަރީގެ ފުލެޓުތައް 10،000 ރުފިޔާއަށްވުރެ ބޮޑެއް ނުވާނެ: ރައީސް

ސަރުކާރުގެ ހުރިހާ ސިޔާސަތެއްގެ ވެސް ފައުންޑޭޝަނަކީ އިސްލާމްދީން: ރައީސް

ނަފުސާނީ ބަލިތަކަށް ހިނގާ ހުރިހާ ޚަރަދެއް އާސަންދައިން ހަމަޖެހޭނެ

ދެ ޔުނިވަސިޓީގެ 38 ކެމްޕަސްގެ މަސައްކަތް ކުރިއަށް އެބަދޭ: ރައީސް

TTH_advertisement