އައްޑޫ ސިޓީ ހިތަދޫ ސްކޫލުގެ ޕްރިންސިޕަލް ޑރ. އާސިޔަތު މުޙައްމަދު ދީދީ އިސްތިއުފާ ދެއްވައިފިއެވެ.
ޑރ. އާސިޔަތު އިސްތިއުފާދެއްވީ ހިތަދޫ ސްކޫލުގެ ޕްރިންސިޕަލެއްގެ ގޮތުގައި 11 އަހަރު ޚިދުމަތް ކުރެއްވުމަށްފަހުއެވެ.
ހިތަދޫ ސްކޫލްގެ ޕްރިންސިޕަލަކަށް ވަޑައިގެންނެވުމުގެ ކުރިން ޑެޕިއުޓީ ޕްރިންސިޕަލެއްގެ ގޮތުން ދެ އަހަރު ދުވަހު އެ ސްކޫލުގައި ޑރ. އާސިޔަތު ޚިދުމަތް ކުރެއްވިއެވެ.
ދޮޅު އަހަރެއްހާދުވަހު ޝަރަފުއްދީންގައި މަސައްކަތްކުރެއްވުމަށް ފަހު ޔުނިވާރސިޓީ އޮފް މަލަޔާއިން ޑރ. އާސިޔަތު ވަނީ މާސްޓާސް އޮފް އެޑިއުކޭޝަނަލް މެނޭޖްމަންޓް ހާސިލްކުރައްވާފައެވެ. ހިތަދޫ ސްކޫލްގެ ޑެޕިއުޓީ ޕްރިންސިޕަލްކަމުގެ މަގާމު ފުރުއްވީ މާސްޓާސް ނިންމަވާލެއްވުމަށްފަހުއެވެ.
ޑރ. އާސިޔަތު ދެން ޚިދުމަތް ކުރައްވާނީ އައްޑޫގައި ހުންނަ ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓް (އެންސީޕީއެލްއީ)ގެ އެޑްމިނިސްޓްރޭޓިވް ޑިރެކްޓަރެއްގެ ގޮތުގައެވެ.
ކިޔުންތެރިންގެ ހިޔާލު