އިސްތިއުމާރީ އިސްރާއީލުގެ ޓެރަރިސްޓުން “ގްލޯބަލް ސުމުދް ފްލޮޓިލާ” ގައި ހިމެނޭ ބޯޓުތަކަށް އަރައިގަނެ މީހުން ކިޑްނެޕްކުރަން ފަށައިފިއެވެ.
އިސްރާއީލު ސިފައިން އެންމެ ފުރަތަމަ އަރައިގަތީ “ގްލޯބަލް ސުމުދް ފްލޮޓިލާ” ގައި ހިމެނޭ އެންމެބޮޑު ބޯޓު “އަލްމާ” އަށެވެ. އެ ބޯޓަށް އަރައިގަނެ މީހުން ހައްޔަރުކުރާ މަންޒަރުތައް ލައިވްކޮށް ފެނިގެންދިޔައެވެ. ނަމަވެސް، ލައިވް ފީޑްވަނީ ކަނޑާލާފައެވެ.
އިސްތިއުމާރީ ވިއްސަށްވުރެ ގިނަ މަންވަރު ގާފިލާއާ ގާތަށް މިހާރު ގޮސްފައިވާ ކަމަށް ޚަބަރު ލިބެއެވެ. ބޯޓުތައް ގާތްވުމާއެކު، މުއާސަލާތީ ގުޅުންތަކަށް ބުރޫ އަރުވާލިއެވެ. އަދި ބައެއް ބޯޓުތަކުން ކަރަންޓުވެސް ކެނޑިފައި ވެއެވެ.
“ގްލޯބަލް ސުމުދް ފްލޮޓިލާ” އަދިވެސް އޮތީ ބައިނަލްއަގްވާމީ ކަނޑުގެ ސަރަހައްދުގައި ކަމުން، ގާފިލާއިން ދަނީ ބައިނަލްއަގްވާމީ މުޖުތަމައަށް އެހީއަށް އެދި ގޮވާލަމުންނެވެ.
ކިޔުންތެރިންގެ ހިޔާލު