ރާއްޖޭގެ އެންމެ ދެކުނުގެ އަތޮޅުތަަކަށް މޫސުން ގޯސްވެ މޯލްޑިވްސް މީޓިއޮރޮލިޖިކަލް ސަރވިސް(މެޓް)އިން ހުދު ސަމާލު ނެރެފިއެވެ.

މެޓުން ހުދު ސަމާލު ނެރެފައިވަނީ ގއ. އަތޮޅުން ފެށިގެން އައްޑޫ ސިޓީއަށެވެ.

މެޓުން ބުނީ މި ސަމާލުގައި އެ ހިސާބުތަކަށް ބޯކޮށް ވާރޭވެހުމާއެކު ގުގުރާނެ ކަމަށާއި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށެެވެ.

މިއަދު ހެނދުނު 8:50 ގައި ނެރުނު މި ސަމާލުގެ މުއްދަތު ހަމަވާނީ މިއަދު މެންދުރުފަހު 14:00 ގައެވެ.