ކުއްލި ޚަބަރު

އެމްޔޫމަނިކުގެ ހަޔާތުގެ އެންމެ ފަހުގެ އުންމީދަކީ ވެސް މިސްކިތެއް ބިނާކުރެއްވުން: ޝަހީމް

ރާއްޖެއަކީ ދުނިޔޭގެ ފެންވަރުގައި ފާހަގަކޮށްލެވޭ ފަތުރުވެރިކަމުގެ މަންޒިލަކަށް ހެއްދެވުމަށް އެމްޔޫ މަނިކު ކުރެއްވި މަސައްކަތް ނުހަނު ބޮޑު: ރައީސް

މޫސުމީ ބަދަލުތަކުން އަރައިގަތުމަށް 25 މިލިއަން ޑޮލަރުގެ މަޝްރޫއެއް ހިންގަން ނިންމައިފި

އެމްޔޫމަނިކުގެ ހަޔާތުގެ އެންމެ ފަހުގެ އުންމީދަކީ ވެސް މިސްކިތެއް ބިނާކުރެއްވުން: ޝަހީމް

66

ރާއްޖޭގެ ފަތިރުވެރިކަމުގެ އެއް ބާނީ ކަމަށްވާ މުހައްމަދު އުމަރު މަނިކު (އެމްޔޫ މަނިކު) ގެ ހަޔާތުގެ އެންމެ ފަހުގެ އުންމީދަކީ ވެސް މިސްކިތެއް ބިނާކުރެއްވުންކަމުގައި އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.

މިނިސްޓަރު ޝަހީމް މިފަދައިން ވިދާޅުވެފައިވަނީ އެމްޔޫމަނިކު އަވަހާރަވުމާގުޅިގެން ތައުޒިޔާކިޔުއްވާ މީޑިއާތަކާއި ހިއްސާކުރެއްވި މެސެޖްގައެވެ.

ޝަހީމް ވިދާޅުވީ އެމްޔޫ މަނިކަކީ ދީނީ، އިޖުތިމާއީ، އަދި ތައުލީމީ ކަންކަމުގެ އިތުރުން މީހުން ބިނާކުރަން ވަރަށް ބޮޑު އަހައްމިއްޔަތު ކަމެއް ދެއްވި ބޭފުޅެއް ކަމަށެވެ. އޭގެ އިތުރުން މިސްކިތްތައް ބިނާކުރަން ވެސް ވަރަށް ބޮޑަށް އެހީތެރިކަން ދެއްވި ކަމަށް ވިދާޅުވިއެވެ.

އެމްޔޫ މަނިކު ސިންގަޕޫރަށް ފުރާވަޑައިގަތުމުގެ ކުރިން ހުޅުމާލޭގައި ބޮޑު މިސްކިތެއް ބިނާކުރައްވަން އިސްލާމިކް މިނިސްޓްރީއަށް ސިޓީއެއް ފޮނުއްވި ކަމަށް މިނިސްޓަރު ވިދާޅުވިއެވެ.

“އެމަނިކުފާނުގެ ހަޔާތުގެ އެންމެ ފަހުގެ އުންމީދަކީ ވެސް މިސްކިތެއް ބިނާކުރެއްވުން. ސިޓީއެއް ފޮނުއްވުމުގެ އިތުރުން ބޭފުޅަކު ފޮނުއްވައި އެއީ ވަރަށް ބޮޑަށް ބޭނުންފުޅުވާ ކަމެއް ކަމަށާއި ވީ އެންމެ އަވަހަކަށް މިސްކިތް އެޅުމަށް ޖާގައެއް ހަމަޖައްސަވައި ދެއްވުމަށް އެދިލައްވާފައިވޭ،”  ޝަހީމް ވިދާޅުވި އެވެ.

މިނިސްޓަރ ވިދާޅުވީ ހުޅުމާލެއިން އެކަމަށް ބިން ވެސް ހަމަޖައްސައިދީފައިވާނެ ކަމަށެވެ.

އެމްޔޫ މަނިކު ސަރުކާރަށް ޚިދްމަތް ކުރައްވަން ފަށްޓަވާފައިވަނީ، 5 ޖޫން 1971 ގައެވެ. މުޙައްމަދު އުމަރު މަނިކު ދިވެހި ދައުލަތަށާއި، ޤައުމާއި ރައްޔިތުންނަށް ކޮށްދެއްވާފައިވާ މަސައްކަތުގެ އަގުވަޒަންކުރައްވައި އޭނާ އަށް ވަނީ 2011 ވަނަ ދިވެހި ނިޝާން މުލީގޭ ޝަރަފުގެ ޢިއްޒަތް (ނ.މ.ޝ.ޢ) އަރުފާފައެވެ.

އޭނާ އަކީ ޔުނިވާސަލް އެންޓަޕްރައިޒަސްގެ ޗެއާމަނެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

އިސްރާއީލުން ދިން ހަމަލާގައި ބޮޑުވަޒީރާއި، ކެބިނެޓް ވަޒީރުންތަކެއް އަވަހާރަވެފައިވާކަން ހޫޘީން ކަށަވަރުކޮށްދީފި

Screenshot 2025 08 30 194149

ރާއްޖެއަކީ ދުނިޔޭގެ ފެންވަރުގައި ފާހަގަކޮށްލެވޭ ފަތުރުވެރިކަމުގެ މަންޒިލަކަށް ހެއްދެވުމަށް އެމްޔޫ މަނިކު ކުރެއްވި މަސައްކަތް ނުހަނު ބޮޑު: ރައީސް

11

މޫސުމީ ބަދަލުތަކުން އަރައިގަތުމަށް 25 މިލިއަން ޑޮލަރުގެ މަޝްރޫއެއް ހިންގަން ނިންމައިފި

11

އީސީގެ ވޯކް-އިން އިންޓަވިއުގައި 100 އަށްވުރެ ގިނަ މީހުން ބައިވެރިވެއްޖެ

ELL Mobile Advertisement TTH_advertisement