ރާއްޖޭގެ ޓޫރިޒަމްގެ އެއް ބާނީ، ޔުނިވާސަލް އެންޓަޕްރައިސެސްގެ އެއް ހިއްސާދާރު ކޮލިގޭ، މުހައްމަދު އުމަރު މަނިކު (އެމްޔޫ މަނިކު)ގެ މައްޗަށް ޣައިބަށް ކުރާ ކަށުނަމާދު، މިއަދުގެ އަސްރު ނަމާދަށްފަހު އިސްލާމީ މަރުކަޒުގައި ކުރުމަށް ހަމަޖައްސައިފިއެވެ.
އެމްޔޫ މަނިކުގެ ހާލުކޮޅު ދެރަވެ، ފަރުވާދެމުން ދަނިކޮށް މިއަދު ހެނދުނު 6:30ގައި، ސިންގަޕޫރުގެ މައުންޓް އެލިޒަބަތު ހޮސްޕިޓަލުގައި ވަނީ އަވަހާރަވެފައެވެ.
އަސްރު ނަމާފަށްފަހު އިސްލާމީ މަރުކަޒުގައި ޣައިބަށް ކަށުނަމާދުކުރުމަށް ހަމަޖެހިފައިވާ އިރު، އެމްޔޫ މަނިކުގެ ޖަނާޒާ ބޭއްވުމަށް ހަމަޖެހިފައިވަނީ މިއަދު އަސްރު ނަމާދަށްފަހު ސިންގަޕޫރުގެ ޕްސާރާ އަމަން މިސްކިތުގައެވެ.
އެމްޔޫ މަނިކު ވަނީ ވިއްސަކަށް އަހަރު ދިވެހި ދައުލަތަށް ހިދުމަތް ކުރައްވައިފައެވެ.
އެމްޔޫ މަނިކަކީ، ރާއްޖޭގެ ޓޫރިޒަމްގެ އެންމެ މައި އެއް ތަނބެވެ. ފަން ގެއެއްގައި ޓޫރިޒަމް ފައްޓަވައި، ރާއްޖެ މިހާރު މި ދެކޭ ދުނިޔޭގެ އެއް ނަންބަރު މާކެޓުގެ ގޮތުގައި ޓޫރިޒަމް ތަރައްގީ ކުރެއްވުމުގައި އެމްޔޫ މަނިކު ވަނީ ވަރަށް އިސް ދައުރެއް އަދާކުރައްވައިފައެވެ.
ކިޔުންތެރިންގެ ހިޔާލު