ހުޅުމާލޭގައި ސިފައިންގެ އަސްކަރީ ތަމްރީނުތަކެއް ކުރިއަށްގެންދަން ނިންމައިފިއެވެ.

ޑިފެންސް މިނިސްޓްރީން ކުރި އިއުލާނެއްގައި ބުނެފައިވަނީ މޯލްޑިވްސް ނޭޝަނަލް ޑިފެންސް ފޯސް އިން ކުރިއަށްގެންދާ އަސްކަރީ ތަމްރީނުތަކެއް އަންނަ ސެޕްޓެމްބަރު މަހުގެ ތިނަކުން ހަޔަކަށް ކޮންމެ ދުވަހެއްގެ ހެނދުނު 06:00 އިން ހަވީރު 5:30 އަށް ހުޅުމާލޭގެ އިރުން 12 ނޯޓިކަލް ބޭރުން ކަނޑުމަތީގައި ކުރިއަށްގެންދިއުމަށް ހަމަޖެހިފައިވާ ކަމަށެވެ.

މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުން 12 ނޯޓިކަލް މޭލު ބޭރުން 45000 މީޓަރ ދުރުމިނަށް ކަމަށް އެ މިނިސްޓްރީން ބުންޏެވެ. އަދި ވަޒަން ދަތުރުކުރާނެ އުސްމިނަކީ 500 މީޓަރު ކަމަށް ވެސް ބުންޏެވެ.

މީގެކުރިން ވެސް ސިފައިން ވަނީ ހުޅުމާލޭގައި އަސްކަރީ ތަމްރީނުތަކެއް ކުރިއަށްގެންގޮސްފައެވެ.