ގެދޮރުވެރިޔާ ސްކީމުގެ 4،000 ފްލެޓް ލިބޭނެ ކަމަށް ކުރީގެ ސަރުކާރުން އިއުލާންކުރި ލިސްޓުގައި ހިމެނޭ މީހަކު ޝަރުތު ހަމަނުވާ ކަމަށް ހައުސިން މިނިސްޓްރީން ފަހުން ކަނޑައެޅުމުން އެ މައްސަލަ މިއަދު ސިވިލް ކޯޓަށް ހުށަހަޅައިފިއެވެ.
ފްލެޓު ލިސްޓުން ނަން އުނިކުރި މީހާގެ ދިފާއުގައި ކޯޓަށް މައްސަލަ ހުށަހެޅި ވަކީލު މުހައްމަދު ނިޝާން އިބްރާހިމް ވިދާޅުވީ، އެ މައްސަލައިގައި އެދިފައިވާނީ މައުލޫއީ މައްސަލަ ކޯޓަށް ވެއްދެންދެން މިހާރު ނަންބަރު ދީފައި އޮތް ފްލެޓް އެހެން ފަރާތަކަށް ދޫކުރުން ހުއްޓުވުމުގެ އަމުރެއް ނެރެދިނުމަށް ކަމަށެވެ.
ގެދޮރުވެރިޔާ ފްލެޓް ލިސްޓަށް ބަދަލުތަކެއް ގެނެސް މި ސަރުކާރުން އާންމުކުރި ނަމަވެސް، ސަރުކާރުން ފަހުން ނިންމާފައިވަނީ ކުރީ ސަރުކާރުގެ ލިސްޓަށް ފްލެޓް ދޭށެވެ. ނަމަވެސް އޭގެ ތެރޭގައި ސަރުތު ހަމަނުވާކަން ކަށަވަރުވާ މީހުން ލިސްޓުން އުނިކުރުމަށް ވަނީ ނިންމައިފައެވެ.
ގެދޮރުވެރިޔާގެ ފްލެޓުތަކުގެ އެއްބަސްވުންތަކުގައި ސޮއިކުރުމުގެ މަސައްކަތް ފަހި ދިރިއުޅުން ކޯޕަރޭޝަން (އެފްޑީސީ) އަންނަނީ ކުރަމުންނެވެ.
ކިޔުންތެރިންގެ ހިޔާލު