އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދުގެ ދޮށީ ދަރިކަލުން އަބްދުالله މާހިލް ޝަހީމްއާ ގުޅޭގޮތުން ފަތުރަމުންދާ ވާހަކަތައް ޝަހީމް ދޮގުކުރައްވައިފި އެވެ.
ޝަހީމްގެ ދަރިފުޅު މާހިލް ގައިގައި ބަނދެގެން ވޭޕް އެތެރެކުރި ކަމަށް ބައެއް ފަރާތްތަކުން ވަނީ ބުނެފައެވެ. އަދި އެއް މިލިއަން ރުފިޔާ އިން މާހިލް ޖޫރިމަނާކޮށްފައިވާ ކަމަށް ވެސް ބުނެފައިވެއެވެ.
އެ ވާހަކަތަކާ ގުޅޭގޮތުން މިނިސްޓަރު ޝަހީމް އެކްސްގައި ވިދާޅުވީ ގައިގައި ބަނދެގެން ވޭޕް ސާމާނުތަކެއް އެތެރެކުރި ކަމަށް ބުނެ ހަގީގަތާއި ހިލާފު ވާހަކަތަކެއް ފެތުރުމަކީ ވަރަށް ދެރަ ކަމެއް ކަމަށެވެ. އަދި އޭނާގެ ދަރިފުޅު މާހިލް އަކީ މެލޭޝިޔާގެ އެމްބަސީގައި ވަޒީފާގައި ހުރި މީހެއް ނޫން ކަަމަށްވެސް ވިދާޅުވިއެވެ.
“ހަބަރުތައް ރަނގަޅު ކުރުން އެދެން,” ޝަހީމް ވިދާޅުވިއެވެ.
މާހިލް ހުރީ މެލޭޝިޔާގެ އެމްބަސީގައި 100،000 ރުފިޔާގެ މުސާރަ ލިބޭ މަގާމެއްގައި ކަމަށް ވާހަކަތައް ފެތުރުނަސް އެއީ ކަނޑައެޅިގެން ދޮގެއްކަން މިހާރު މިވަނީ ހާމަވެފައެވެ.
ކިޔުންތެރިންގެ ހިޔާލު