ގެއްލިގެން ހޯދަމުން އަންނަ ގ. ގާނެޓް، ހަސަން ޔާމީން މިދިޔަ ހަފުތާގެ އާދިއްތަ ދުވަހުގެ ދަންވަރު ސިނަމާލެ ބުރިޖުން ފުންމާލި މަންޒަރު ސީސީޓީވީ ފުޓެޖުން ފެނިއްޖެއެވެ.
ޔާމީންގެ އާއިލާއަށް ޚަބަރެއް ނުވެ ގެއްލިފައިވަނީ މިމަހުގެ 11 ވަނަ ދުވަހުގެ 21:25 ހާއިރު މާލޭގައި އޭނާ ދިރިއުޅޭ ގެއިން ނުކުމެގެން ދިޔަ ފަހުންނެވެ. އެ މައްސަލަ ފުުލުހުންނަށް ހުށަހެޅީ މިމަހުގެ 14 ވަނަ ދުވަހުއެވެ،
ފުލުހުން ނެރުނު ބަޔާނެއްގައި ވަނީ މިދިޔަ ހަފުތާގެ އާދިއްތައިގެ ފަތިހު 3:24 އެހާކަންހާއިރު އޭނާ ސިނަމާލެ ބުރިޖުން މޫދަށް ފުންމާލާ މަންޒަރު ސީސީޓީވީ ފުޓެޖުން ފެނިފައިވާ ކަމަށެވެ.
އެ މައުލޫމާތު އާއިލާއާ ހިއްސާކޮށް، އާއިލާއާ ވާރަށް ގާތުން ތަހުގީގު ޓީމުން މަސައްކަތް ކުރަމުން އަންނަ ކަމަށް ފުލުހުން ބުންޏެވެ.
މެރިން ޕޮލިހާއި ކޯސްޓްގާޑުން ގުޅިގެން ޔާމީން ހޯދުމުގެ މަސައްކަތް ކުރަމުން އަންނަ ކަމަށް ވެސް ފުލުހުން ބުންޏެވެ.
އެ މައްސަލައާ ގުޅޭ ގޮތުން، ސައްހަކަން ކަށަވަރު ނުކުރެވޭ މައުލޫމާތު ނުފެތުރުމަށް ފުލުހުން ވަނީ އެދިފައެވެ. އަދި ޔާމީންގެ އާއިލާއަށް އިހުތުރާމު ކުރުމުގެ ގޮތުންނާއި ތަހުގީގުގެ ނަޒާހާތްތެރިކަން ހިފެހެއްޓުމުގެ ގޮތުން ހަމައެކަނި ފުލުހުން ފޯރުކޮށްދޭ މައުލޫމާތަށް ބަރޯސާވުމަށް ފުލުހުން ވަނީ އިލްތިމާސްކޮށްފައެވެ.
ކިޔުންތެރިންގެ ހިޔާލު