ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ޓާމިނަލް ހުޅުވުމަށް ބާއްވާ ރަސްމިއްޔާތަށް ވަމުން އަންނަ ތައްޔާރީތަކަށް ހުޅުލޭގައި ހަދާފައިވާ ޕާކިން ޒޯންތަކުގައި ޕާކުކުރުން ވަގުތީގޮތުން މަނާކޮށްފިއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ ވީއައިއޭގެ އިރުމަތީ ފަރާތު ޕާކިން ޒޯނުގައި އަންނަ ބުރާސްފަތި ދުވަހުން ފެށިގެން ހަތަރު ފުރޮޅުލީ އުޅަނދުތައް ޕާކު ކުރުމަކީ މަނާ ކަމެއް ކަމަށާއި އެ ތާރީހުގެ ކުރިން އެ ޕާކިން ޒޯނުގައި ޕާކުކޮށްފައިވާ ހަތަރުފުރޮޅުލީ އުޅަނދުތަކުގެ ވެރިފަރާތްތަކުން ނުވަތަ އުޅަނދު ބެލެހެއްޓުމާ ހަވާލުވެ ހުރި ފަރާތަކުން އެ އުޅަނދުތައް ނެގުމަށް އެދޭ ކަމަށެވެ.
ވީއަައިއޭގެ ހުޅަނގު ފަރާތު ޕާކިން ޒޯނުގައިވެސް އަންނަ ބުރާސްފަތި ދުވަހުގެ 18:00 ގެ ފަހުން އެއްވެސް އެއްގަމު އުޅަނދެއް ޕާކުކުރުމަކީ މަނާ ކަމެއް ކަމަށް އެމްއޭސީއެލުން ބުންޏެވެ.
އެމްއޭސީއެލުން ބުނީ އެ ތާރީހަށްފަހު ފުލުހުންނާ ގުޅިގެން އެ ޕާކިން ޒޯންތަކުން އުޅަނދުތައް ހުސްކުރާނެ ކަމަށާއި އަދި ޕާކިން ޒޯނުތަކުގައި އަލުން ޕާކު ކުރެވޭނެ ތާރީހެއް ފަހުން އިއުލާން ކުރާނެ ކަމަށެވެ.
ވީއައިއޭގެ އާ ޓާމިނަލް ހުޅުވުމަށް ހަމަޖެހިފައިވަނީ މިމަހުގެ 26 ގައެވެ.
ކިޔުންތެރިންގެ ހިޔާލު