އިދިކޮޅު އެމްޑީޕީގެ އަހަރީ ދުވަހުގެ ޖަލްސާ ކުޅުދުއްފުށީގައި ބާއްވަނީ މާލެއިން ނުކުންނާނެ ބަޔަކު ނުވެގެން ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާޢު ވިދާޅުވެއްޖެއެވެ.
އެމްޑީޕީ އަށް 20 އަހަރު ފުރުމާއި ގުޅިގެން ކުޅުދުއްފުށީގަައި ބޮޑު ޖަލްސާ އެއް ބާއްވަން ވަނީ ނިންމާފަައެވެ.
އެކްސްގައި ކުރެއްވި ޕޯސްޓެއްގައި ބާރަށު ދާއިރާގެ މެންބަރު އިބްރާހިމް ޝުޖާޢު ވިދާޅުވީ އެމްޑީޕީން ކުޅުދުއްފުށީގައި މި ޖަލްސާ ބާއްވަނީ މާލެއިން 250 މީހުން އުފުލައިގެން ކަމަށެވެ. އެމްޑީޕީގެ ޝިއާރަކީ “އެކުގައި ގަދަކޮށް” ކަމަށްވާއިރު، ޝުޖާއު ވަނީ އެކުގައި ގަދަކޮށް ތިބޭ މީހުން، އެކަކު އަނެކެއްގެ މޫނަށް ނުބަލާ ތިބެތޯ ވިދާޅުވެ ސުވާލު ކުރަށްވާފައެވެ. ޝުޖާޢު ވިދާޅުވީ އެމްޑީޕީން ކުޅުދުއްފުށީގައި ޖަލްސާ ބާއްވަނީ މާލެ އިން ޖަލްސާ އަށް ދާނެ ބަޔަކު ނުވެގެން ކަމަށެވެ.
ކުރީގެ ރައީސް މުޙައްމަދު ނަޝީދު އެމްޑީޕީން ވަކިވެވަޑައިގެން އުފެއްދެވި ޑިމޮކްރެޓްސްގެ މެމްބަރުން އެމްޑީޕީއާ އަލުން ގުޅިފައިވަނީ އެމްޑީޕީގެ ތެރޭގައި ބައިބައިވުންތަކެއް ހުރިކަން ދޭހަކޮށްދިނުމުގެ ގޮތުން ކަމަށް ބެލެވޭ ކަމުގައި ޝުޖާއު ވިދާޅުވި އެވެ.
އެމްޑީޕީގެ 20 ވަނަ އަހަރީ ދުވަސް ފާހަގަކުރުމަށް ކުޅުދުއްފުށީގައި ބާއްވަން ނިންމި ޖަލްސާއަށް މީހުން ގޮވައިގެން މާލެއިން ފުރަން ތައްޔާރުވި ކުޅުދުއްފުށީ ބާދު ޝާޙް ބޯޓް، ރޭ ފުރަން އޮތް ނަމަވެސް މޫސުން ގޯސްވުމުގެ ސަބަބުން އެ ދަތުރު ވަނީ ފަސްކޮށްފައެވެ.
އެމްޑީޕީން ވަނީ ރޭ ބާއްވަން އޮތް ޖަލްސާވެސް ފަސްކޮށްފައެވެ. އެ ޕާޓީން ބުނީ މޫސުން ތަންދޭނަމަ ޖަލްސާ އޮންނާނީ ހޮނިހިރު ދުވަހުގެ ރޭ ކުޅުދުއްފުށި ސިޓީގައި ކަމަށެވެ. މި ޖަލްސާގައި ބައިވެރިވުމަށް އެ ޕާޓީގެ ލީޑަރޝިޕްގެ ބައެއް އިސްބޭފުޅުން މިހާރުވެސް ވަނީ ކުޅުދުއްފުއްޓަށް ވަޑައިގެންފައެވެ.
ކިޔުންތެރިންގެ ހިޔާލު