އިސްލާމީ މަރުކަޒުގެ ފުރާޅުން ފެން ލީކުވާތީ، އެ މައްސަލަ ހައްލުކުރުމުގެ މަސައްކަތް ފަށައިފިއެވެ.
އިސްލާމީ މަރުކަޒުގެ ޓިނު ބަދަލުކުރުމުގެ މަސައްކަތުގެ ތެރެއިން މިދިޔަ އަހަރު އެ މަސައްކަތްކޮށްފައިވަނީ އެމްޓީސީސީންނެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، މީޑިއާތަކަށް މިރޭ ފޮނުއްވި މެސެޖެއްގައި ވިދާޅުވީ އިސްލާމީ މަރުކަޒުގައި ޖަހާފައިވަނީ އެސްޓީއޯ އިން ވިއްކާ ޓިނު ކަމަށާއި މިރޭ މަރުކަޒަށް ވާރޭ ވެހުމާ ގުޅިގެން ހުރި ކަންބޮޑުވުންތައް ބަލައިގަންނަ ކަމަށެވެ.
މައްސަލަ ހައްލުކުރަން ކަމާގުޅޭ ޓީމުތައް މަސައްކަތްކުރަމުންދާ ކަމަށާއި އޭގެ ކުރިން ހުރި ޓިނު ބަދަލުކުރީ ވެސް އެތެރެއަށް ވާރޭ ވެހޭތީވެ، 40 އަހަރު ވެފައިވާ ގައުމީ ބިނާއަށް ދިމާވެފައިވާ އެ މައްސަލަ ހައްލުކުރަން މިނިސްޓްރީން އެންމެ މަތީ ދަރަޖައިގައި މަސައްކަތްކުރާނެކަމުގެ ފުރިހަމަ ޔަގީންކަން އަރުވާ ކަމަށް މިނިސްޓަރު ވިދާޅުވިއެވެ.
ކިޔުންތެރިންގެ ހިޔާލު