ހއ. ކެލާގެ ފަޅުގައި ދެ ރިސޯޓެއް ތަރައްގީކުރަން ފުރުސަތު ހުޅުވާލައި ކުރި އިއުލާން ބާތިލުކޮށް، ލުއިތަކެއްދީ އަލުން އެ މަޝްރޫއު ހުޅުވާލަން ނިންމައިފިއެވެ.

ކެލާގެ ފަޅުގައި ދެ ރިސޯޓެއް ތަރައްގީކުރަން ފުރުސަތު ހުޅުވާލައި ކުރިން ކުރި އިއުލާން، ޓޫރިޒަމް މިނިސްޓްރީން މިހާރު ވަނީ ބާތިލުކޮށްފައެވެ.

ކެލާގެ ފަޅުގައި ދެ ޓޫރިސްޓް ރިސޯޓު އަދި ކ. ކާށިދޫ ފަޅުގައި ޓޫރިސްޓް ރިސޯޓެއް ތަރައްގީކޮށް ހިންގާނެ ފަރާތެއް ހޯދުމަށް، އިއުލާންކުރީ އޭޕްރީލް މަހުގެ އެއްވަނަ ދުވަހުއެވެ. މިދިޔަ މަހުގެ ފަސްވަނަ ދުވަހު އެ އިއުލާނުގެ މުއްދަތު ވަނީ ހަމަވެފައެވެ.

މިނިސްޓްރީން އިއުލާންކުރީ ކެލާގެ ފަޅުތެރެއިން 156.2 ހެކްޓަރުގެ ސަރަހައްދަކާއި 169.3 ހެކްޓަރުގެ ސަރަހައްދެއް ބީލަމުގެ އުސޫލުން ޓޫރިސްޓް ރިސޯޓް ތަރައްގީކޮށް ހިންގާނެ ފަރާތެއް ހޯދުމަށެވެ.

ކެލާގައި ރިސޯޓެއް ތަރައްގީކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ.