ރ. ފައިނުގައި ހިނގި ނުރައްކާތެރި އެކްސިޑެންޓެއްގައި އަނިޔާވި ދެ ކުދިން ވެންޓިލޭޓަރުން ނަގައިފިއެވެ.
މިދިޔަ ބުރާސްފަތި ދުވަހުގެރޭ އެކްސިޑެންޓު ހިނގީ، ފައިނު ސްކޫލްގެ ދެ ދަރިވަރުން ދުއްވި ސައިކަލަކުން، ކަސްރަތަށް މަގުމަތީގައި ހިނގަން އުޅުނު އެރަށު ސްކޫލްގެ ޕްރިންސިޕަލާއި، ޓީޗަރެއްގެ ގައިގައި ޖެހިގެންނެވެ. މި އެކްސިޑެންޓުގައި އަނިޔާވި ހަތަރު މީހުންނަށް އުނގޫފާރު ރީޖަނަލް ހޮސްޕިޓަލުގައި ފަރުވާދިނުމަށްފަހު އޭގެ ތެރެއިން ތިން މީހުން އިތުރު ފަރުވާއަށް ވަނީ މާލެ ގެނެސްފައެވެ. އެއީ ސައިކަލް ދުއްވި ދެ ދަރިވަރުންނާއި، ސައިކަލުން ޖެހުނު އެރަށު ސްކޫލްގެ ޓީޗަރެކެވެ.
ޕީއެސްއެމްނިއުސްއަށް މައުލޫމާތު ދެއްވަމުން އައިޖީއެމްއެޗުން ވިދާޅުވީ ފަރުވާދެމުންދިޔަ އުމުރުން 14 އަހަރާއި 16 އަހަރުގެ ދެ ކުދިން ވެންޓިލޭޓަރުން ނަގާފައިވާކަމަށެވެ. އެހެންނަމަވެސް އެކުދިންނަށް އަދިވެސް ފަރުވާދެމުން އަންނަނީ އައިސީޔޫގައިކަމަށްވެސް އައިޖީއެމްއެޗުން ވިދާޅުވިއެވެ.
މީގެ އިތުރުން، އިތުރު ފަރުވާއަށް މާލެ ގެނައި ޓީޗަރު އަދިވެސް އޮތީ ވެންޓިލޭޓަރުގައިކަމަށްވެސް އައިޖީއެމްއެޗުން ވިދާޅުވިއެވެ.
ފައިނުގައި ހިނގި މި އެކްސިޑެންޓު ފުލުހުން ދަނީ އިތުރަށް ތަހުގީގު ކުރަމުންނެވެ.
ކިޔުންތެރިންގެ ހިޔާލު