ރާއްޖެ 2040 ވަނަ އަހަރާ ހަމައަށް ތަރައްޤީވެފައިވާ ޤައުމަކަށް ހެދުމުގެ އަމާޒަށް ވާޞިލުވުމަށްޓަކައި، ކުދި އަދި މެދުފަންތީގެ ވިޔަފާރިތަކަށް ކުރިއެރުމުގެ މަގު ތަނަވަސްކޮށްދިނުމަށް މި ސަރުކާރުން ދެމިތިބޭނެކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.
“މައިކްރޯ، ސްމޯލް އެންޑް މީޑިއަމް ސައިޒްޑް އެންޓަޕްރައިޒަސް ޑޭ” ގެ މުނާސަބަތުގައި އެކްސް (ކުރީގެ ޓްވިޓަރ) ގައި ޝާއިޢުކުރެއްވި ޕޯސްޓެއްގައި، ވިޔަފާރިވެރިންގެ މަސައްކަތްތައް ފާހަގަކުރައްވަމުން ރައީސް ވިދާޅުވެފައިވަނީ، ވިޔަފާރިތަކުގެ ކުރިއެރުމަށް އެހީތެރިވެދީ، އައު މާކެޓްތަކަށް ވަދެވޭނެ މަގު ފަހިކޮށްދީ، ކުދި އަދި މެދުފަންތީގެ ވިޔަފާރިތައް ބާރުވެރިކުރުވުމަކީ ސަރުކާރުގެ އަމާޒެއް ކަމުގައެވެ.
On this Micro, Small and Medium-sized Enterprises Day, we celebrate the entrepreneurs and innovators driving sustainable growth across our islands and around the world. We remain committed to empowering MSMEs through inclusive financing and improved access to markets. Building on…
Advertisement— Dr Mohamed Muizzu (@MMuizzu) June 27, 2025
ދިވެހި ވިޔަފާރިތަކުގެ އުފެއްދުންތައް ދައްކުވައިދިނުމަށް ފާއިތުވި މަހު ބޭއްވުނު “މޯލްޑިވްސް އެކްސްޕޯ 2025” ގެ ކާމިޔާބީއާއެކު، ކުދި ވިޔަފާރިތަކަށްވެސް ކުރިއެރުމުގެ މަގު ތަނަވަސްކޮށްދިނުމަކީ ސަރުކާރުގެ އިސްކަންދޭ ކަމެއްކަމުގައި އެ މަނިކުފާނު ފާހަގަކުރެއްވިއެވެ.
“2040 ވަނަ އަހަރާ ހަމައަށް ތަރައްޤީވެފައިވާ ޤައުމަކަށްވުމުގެ އަމާޒު ހާސިލުކުރުމަށްޓަކައި، މި ސަރުކާރުން ކުދި އަދި މެދުފަންތީގެ ވިޔަފާރިތަކަށް ފަހި މާޙައުލެއް ޤާއިމުކުރުމުގައި ސާބިތުކަމާއެކު ދެމިތިބޭނެ” ރައީސް
މީގެއިތުރުން، އިޤްތިޞާދު ފުޅާކޮށް ތަރައްޤީކުރުމަށްޓަކައި ވިޔަފާރިތަކަށް ބޭނުންވާ އެންމެހައި އެހީތެރިކަމާއި އެއްބާރުލުން މި ސަރުކާރުން ފޯރުކޮށްދޭނެކަމުގެ ޔަޤީންކަން ރައީސް ދެއްވާފައިވެއެވެ.
ކިޔުންތެރިންގެ ހިޔާލު