އޯ ލެވެލް އާއި އޭ ލެވެލް މަތީ ނަތީޖާ ހޯދާ ދަރިވަރުންނަށް ދޭ “މަތީ އަރުތަވެރިންގެ އިނާމު” ދިނުމުގެ ޖަލްސާތައް އަންނަ ހަފުތާގައި ބާއްވަން ނިންމައިފިއެވެ.
އެޑިއުކޭޝަން އެ ހަފުލާތައް ބާއްވާނީ މި މަހުގެ 21 އާއި 22 ގައި ކަމަށެވެ.
ޖުމްލަ ފަސް ދަންފަޅިއަކަށް ބަހާލައިގެން ކުރިއަށް ގެންދަން ހަމަޖެހިފައިވާ މި ރަސްމިއްޔާތު އޮންނާނީ ސޯޝަލް ސެންޓަރުގަ އެވެ. އެ ރަސްމިއްޔާތުގައި އޯ ލެވެލް އަދި އޭ ލެވެލް އިން 1 ވަނަ ހޯދާ ދަރިވަރުންނަށް ރައީސުލްޖުމްހޫރިއްޔާ ދެއްވާ އިނާމާއި، އޭ ލެވެލް އިން 1 ވަނަ ހޯދާ ދަރިވަރުންނަށް ރައީސުލްޖުމްހޫރިއްޔާ ދެއްވާ ސޮކޮލަޝިޕްގެ އިތުރުން އޭ ފާސް ނުވަތަ އެއަށް ވުރެ މަތިން ހޯދާ ދަރިވަރުންނަށް ދެވޭ ހައި އެޗީވާސް ސްކޮލަޝިޕް ހަވާލުކުރުން އޮންނާނެއެވެ.
ސާނަވީ އަދި މަތީ ސާނަވީ ނިންމި އިމްތިޙާނުތަކުން އެންމެ ރަނގަޅު ނަތީޖާ ހޯދައިގެން، 1،800 އަށްވުރެ ގިނަ ދަރިވަރުން މި ރަސްމިއްޔާތުގައި މަތީ އަރުތަވެރިންގެ އިނާމު ޙާޞިލު ކުރާނެއެވެ.
ކިޔުންތެރިންގެ ހިޔާލު