މިއަދުވެސް އުތުރާއި މެދު ރާއްޖެތެރޭގެ ރަށްތަކަށް މޫސުން ގޯސްވާނެ ކަމަށް މެޓުން ލފާކޮށްފި އެވެ.
މެޓުން ވަނީ ހުޅަނގު މޫސުމުގެ ބާރު ގަދަވާނެ ކަމަށް ލަފާކޮށް ހއ.އަތޮޅުން ފެށިގެން ފ.އަތޮޅަށް ވައިޓް އެލާޓް ނެރެފަ އެވެ.
މި ސަރަހައްދަށް ވައިޓް އެލާޓް ނެރެފައިވަނީ މިއަދު ހެނދުނު 06:00 އިން 12:00 އާ ހަމައަށެވެ.
މެޓުން ބުނީ މި ވަގުތުގައި ގަޑިއަކު 20 މޭލާއި 27 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ގަދަވާނެ ކަމަށެވެ.
މީގެ އިތުރުން މެޓުން ބުނީ ދެކުނުގެ އަތޮޅުތަކުގެ ކަނޑުތައް އާދައިގެ ވަރަކަށް މަޑުވެފައި، ވިލާގަނޑުގައި ގަދަވާނެ ކަމަށެވެ. އަދި އުތުރާއި މެދު ރާއްޖެތެރޭގެ ރަށްތަކަށް ކަނޑުތައް ގަދަވާނެ ކަމަށް މެޓުން ބުންޏެވެ.
އެހެންކަމުން ކަނޑުދަތުރުކުރާ ފަރާތްތަކާއި އެހެނިހެން ބޭފުޅުން މޫސުމަށް ސަމާލުވާން މެޓުން އެދިފައިވެ އެވެ.
ކިޔުންތެރިންގެ ހިޔާލު