މ. ކޮޅުފުށީގައި ކުރިއަށް ގެންދިޔަ 100 ހައުސިން ޔުނިޓް އެޅުމުގެ މަޝްރޫޢުގެ މަސައްކަތް ނިންމާލައިފިއެވެ.
ދައުލަތުގެ ބަޖެޓުން 121.6 މިލިއަން ރުފިޔާގެ ޚަރަދުކޮށްގެން ކުރިއަށް ގެންދިޔަ މަޝްރޫޢެކެވެ.
ހައުސިން މިނިސްޓްރީން ބުނީ އެ މަޝްރޫޢުގެ އަމަލީ މަސައްކަތް އެއްކޮށް ނިމިފައިވާ ކަމަށެވެ.
މި މަޝްރޫއަކީ ކޮޅުފުއްޓަށް ދިމާވެފައި އޮތް ބޯހިޔާވަހިކަމުގެ މައްސަލަ އަށް ލިބޭނެ ބޮޑު ހައްލަކަށް ވާނެ ކަމަށް މިނިސްޓްރީން ބުންޏެވެ.
ކޮޅުފުއްޓަކީ 2004 ގެ ސުނާމީގައި އެންމެ ބޮޑަށް ގެއްލުންވި އެއް ރަށެވެ.
މި ސަރުކާރުން އަންނަނީ ރާއްޖޭގެ އެކި ރަށްރަށުގައި ހުއްޓިފައިވާ ބޯހިޔާވަހިކަމުގެ މަޝްރޫއުގެ މަސައްކަތްތައް އަލުން ފައްޓައި އެ މަސައްކަތްތައް އަވަހަށް ނިންމަން ޚާއްސަ މަސައްކަތްތަކެއް ކުރަމުންނެވެ.
މީގެއިތުރުން މި ސަރުކާރުން ވެސް ވަނީ ރާއްޖޭގެ ގިނަ ރަށްތަކުގައި ފްލެޓް އަޅައިދޭނެ ފަރާތްތައް ހޯދަން އިއުލާންކޮށްފައެވެ.
ކިޔުންތެރިންގެ ހިޔާލު