ދިވެހީންގެ އުފެއްދުންތެރިކަމުގެ މައުރަޒުގައި ސްޓެލްކޯ އިން ގާއިމުކޮށްފައިވާ ސްޓޯލަށް ރައީސް ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުހައްމަދު ޒިޔާރަތްކުރެއްވުމަކީ ކުންފުންޏަށް ލިބުނު “ޚާއްޞަ ޝަރަފެއް” ކަމުގައި ސްޓެލްކޯއިން މިއަދު ބުނެފިއެވެ.
އެކްސްގައި ސްޓެލްކޯއިން މިއަދު ކުރި ޕޯސްޓެއްގައި ބުނެފައި ވަނީ، ރައީސް މުއިއްޒާއި އެމަނިކުފާނުގެ އަނބިކަނބަލުން މި ޒިޔާރަތުގައި ސްޓެލްކޯގެ ސްޓޯލާ ގުޅޭ މައުލޫމާތު ހޯއްދަވައި، ކުންފުނީގެ މުވައްޒަފުންނާއެކު ވަގުތުކޮޅެއް ހޭދަކުރެއްވި ކަމަށެވެ. މި ޒިޔާރަތަށްޓަކައި ރައީސް މުޢިއްޒަށާއި އަނބިކަނބަލުންނަށް އެ ކުންފުނިން ވަނީ ޚާއްޞަ ޝުކުރެއް ދަންނަވާފައެވެ.
ދިވެހީންގެ އުފެއްދުންތެރިކަމުގެ މައުރަޒު 2025 ގައި ސަރުކާރު ހިއްސާވާ ކުންފުނިތަކުގެ ދާއިރާއިން އެއްވަނަ ސްޓެލްކޯ އަށް ވަނީ ލިބިފައެވެ. މިއީ އެމްޑީ ހުސައިން ފަހުމީގެ ޒައާމަތުގައި އެ ކުންފުނި ކުރިއަރައިގެންދާ ކަމުގެ ހެއްކެކެވެ.
ކިޔުންތެރިންގެ ހިޔާލު