ށ. މާއުނގޫދޫ ބަނދަރު ތަރައްގީގެ މަޝްރޫއުގެ 76 ޕަސެންޓް ނިމިފައިވާ ކަމަށް އެ މަޝްރޫގެ ކޮންޓްރެކްޓަރު އެމްޓީސީސީ އިން ބުނެފިއެވެ.
އެމްޓީސީސީން އިއްޔެ ބުނީ އެ މަޝްރޫއުގެ މަސައްކަތުގެ ދަށުން، މިހާރު ކުރިއަށްދަނީ ޗެނަލްގެ ޑްރެޖިން މަސައްކަތްތައް ކަމަށެވެ.
މާއުނގޫދޫ ބަނދަރު ތަރައްގީކުރުމުގެ މަޝްރޫއު ސަރުކާރުން އެމްޓީސީސީއާ ހަވާލުކުރީ 2022 ވަނަަ އަހަރުގެ މެއި މަހުގައެވެ. އެއީ 56.79 މިލިއަން ރުފިޔާގެ މަޝްރޫއެކެވެ.
އެ މަޝްރޫއުގެ ދަށުން ކުރުމަށް ނިންމާފައިވާ މަސައްކަތްތައް:
- 59,013 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުން
- 3,245 ކިއުބިކް މީޓަރުގެ ސަރަހައްދެއްގެ ނެރު ފުންކުރުން
- 362 މީޓަރުގެ ސަރަހައްދެއްގައި ބޭރުތޮށި ލުން
- 312 މީޓަރުގެ ސަރަހައްދެއްގައި އެއްގަމުތޮށި ލުން
- 105 މީޓަރުގެ ސަރަހައްދެއްގައި ރިވެޓްމެންޓް ޖެހުން.
- 1،509 އަކަ މީޓަރުގެ ސަރަހައްދެއްގައި ހާބަރު ޕޭވްމަންޓް ހެދުން
- ރޭމްޕެއް ހެދުން
- ކޮންކްރީޓް ޖެޓީއެއް ހެދުން
- ބަނދަރު ބައްތި ހަރުކުރުން
ކިޔުންތެރިންގެ ހިޔާލު