ކުރިއަށް އޮތް 24 ގަޑިއިރު ރާއްޖޭގެ ދެކުނުގެ ރަށްތަކަށް ބޯކޮށް ވާރޭވެހޭނެ ކަމަށް މޫސުމާބެހޭ ގައުމީ އިދާރާ، މެޓް އޮފީހުން ލަފާކޮށްފިއެވެ.

“ދެކުނުގެ އަތޮޅުތަކަށް ބޯކޮށްވާރޭވެހޭނެ ކަމަށް ލަފާކުރެވެނީ. 24 ގަޑިއިރަށް ބަލާއިރުގައި ރާއްޖޭގެ ބައެއް ސަރަހައްދަކަށް ކެރި އުޅޭނެ. މިއަދުގެ ވައިވެސް އުޅެނީ 13 މޭލާ 23 މޭލާ ދެމެދުގެ ބާރުމިނުގައި. ކަނޑުތައް ދަގަވާނެ.” މެޓް އޮފީހުގެ ޑިއުޓީ ފޯކާސްޓާ މިއަދު “މުޅިރާއްޖެ” އަށް ވިދާޅުވިއެވެ.

މެޓް އޮފީހުން މިއަދުގެ މެންދުރުފަހު 2:30 އަށް މޫސުން ލަފާކޮށްފައިވާ ގޮތުން ތ. އަތޮޅު ފެށިގެން އައްޑޫ ސިޓީ އަށް ގުގުރުމާއެކު ބައެއް ރަށްތަކަށް ބޯކޮށްވާރޭ ވެހުން އެކަށީގެންވެއެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށްވެސް ލަފާކޮށްފައިވެއެވެ.