ތ. ގުރައިދޫގައި އެއަރޕޯޓް ތަރައްޤީކުރުމަށް ބޭނުންވާ ބިން ހިއްކުމުގެ މަސައްކަތް ބާރަށް ކުރިއަށްދާކަމަށް އެ މަސައްކަތް ކުރިއަށްގެންދާ އެމްޓީސީސީއިން ބުނެފިއެވެ.
އެމްޓީސީސީއިން ބުނެފައިވަނީ މި މަސައްކަތުގެ %36 ނިމިފައިވާކަމަށެވެ.
Project Update: Land Reclamation and Shore Protection for Development of Th. Guraidhoo Airport
Sand Bund construction work has reached 36% completion, and geobag filling work is currently ongoing at the project site.
Follow more updates at: https://t.co/SfVAzkVuzR… pic.twitter.com/kXDa0pBZtt
— MTCC Plc (@MTCCPlc) May 7, 2025
އެމްޓީސީސީއިން ބުނެފައިވަނީ ބިންހިއްކުމުގެ މަޝްރޫއުގެ ދަށުން ސޭންޑްބަންޑް ވޯލްގެ %36 މަސައްކަތް ނިމިފައިވާއިރު، ޕްރޮޖެކްޓް ސައިޓްގައި ޖިއޯބޭގް ފިލްކުރުމުގެ މަސައްކަތް ކުރެވެމުންދާ ކަމަށެވެ.
ގުރައިދޫއަކީ އާބާދީގައި 2،272 މީހުން ހިމެނޭ ރަށެކެވެ. އަތޮޅުގެ ނިސްބަތުން ބަލާއިރު ގުރައިދޫއަކީ ތަރައްޤީގެ ގޮތުން ފާހަގަކޮށްލެވޭ ރަށެކެވެ. އަތޮޅުގެ ގިނަ ބަޔަކު ވިޔަފާރި ކުރުމަށް ޒިޔާރަތް ކުރަމުން އަންނަވެސް ރަށެކެވެ.
އެމްޓީސީސީން ބުނެފައިވަނީ މި މަޝްރޫއުގެ ސަބަބުން 378،350 ކިއުބިކް މީޓަރުގެ ބިން ހިއްކުމާއި 979 މީޓަރުގެ ސަރަޙައްދެއްގައި ރިވެޓްމަންޓް ޖެހުމާއި 609 މީޓަރުގެ ސަރަޙައްދެއްގައި ޖިއޯބޭގް ރެވެޓްމެންޓެއް ޖެހުމުގެ މަސައްކަތް ހިމެނޭ ކަމަށެވެ.
މި މަޝްރޫއަށް 106 މިލިއަން ރުފިޔާ ހަރަދު ކުރެއެވެ. މި މަސައްކަތް ނިންމަން ހަވާލުކޮށްފައިވަނީ 300 ދުވަސް ތެރޭގައެވެ.
ކިޔުންތެރިންގެ ހިޔާލު