ސަރުކާރުން ހިންގާ ތަރައްގީގެ މަޝްރޫއުތަކުން އަމިއްލަ ކުންފުނިތައް ބާކީ ނުކުރާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ސައީދު ވިދާޅުވީ ރައީސް ޑރ. މުހައްމަދު މުއިއްޒުގެ ވިސްނުންފުޅަކީ، ވައުދުފުޅާ އެއްގޮތަށް އެފަދަ މަސައްކަތްތައް ކުރުން ކަމަށެވެ.
އެ މަސައްކަތްތައް ކުރާ އިރު، ޕްރައިވެޓް ކުންފުނިތައް ބާކީކުރާނެ ކަމަށް ބުނެ މީޑިއާތަކުގައި ފެތުރޭ ވާހަކަތަކަކީ ސައްހަ ވާހަކަތަކެއް ނޫން ކަމަށާއި ސަރުކާރު ކުންފުނިތަކާ ޕީއެސްއައިޕީ މަޝްރޫއުތައް ހަވާލުކުރުމަކީ އެފަދަ މަޝްރޫއުތަކުގެ މަސައްކަތްކުރާ ޕްރައިވެޓް ކުންފުނިތައް ބާކީކުރުން ކަމަށް ދެކިގެންނުވާނެ ކަމަށް މިނިސްޓަރު ވިދާޅުވިއެވެ.
ސައީދު ވިދާޅުވީ ޕްރައިވެޓް ސެކްޓާގައި ހުރި އެފަދަ ކަންބޮޑުވުންތަކަށް ހައްލު ހޯދުމުގެ ގޮތުން މޯލްޑިވްސް އެސޯސިއޭޝަން ފޯ ކޮންސްޓްރަކްޝަން އިންޑަސްޓްރީސް (މަސީ) އާއި އެހެން ބައެއް ޖަމިއްޔާތަކާ މަޝްވަރާކުރަމުންދާ ކަމަށާއި ސަރުކާރުން މިހާރުވެސް ދަނީ ކުދި ކުންފުނިތަކާ ބައްދަލުކޮށް، އެ ވިޔަފާރިތަކަށް ދިމާވާ ދަތިތައް ދެނެގަތުމުގެ މަސައްކަތް ކުރަމުން ކަމަށެވެ.
ކިޔުންތެރިންގެ ހިޔާލު