ޤައުމީ ދިފާޢީ ބާރުގެ އަސްކަރީ ޤާބިލުކަން އިތުރުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުރައްވަމުން ގެންދަވާ މަސައްކަތްޕުޅުތަކަކީ ޝުކުރުވެެރިވުން ޙައްޤު މަސައްކަތްޕުޅުތަކެއް ކަމުގައި ދިފާޢީ ވަޒީރު އަލްފާޟިލް ޣައްސާން މައުމޫން ވިދާޅުވެއްޖެއެވެ.

ދިވެހި ސިފައިންގެ 133 ވަނަ އަހަރީ ދުވަހާ ގުޅިގެން ސޯޝަލް މީޑިއާގައި ޙިއްޞާކުރެއްވި ޕޯސްޓެއްގައި، ވަޒީރު ޣައްސާން ވަނީ ސިފައިންގެ އެންމެ މަތީ ވެރިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށާއި، ސިފައިންގެ ލީޑަރޝިޕަށާއި، ހިތްވަރުގަދަ ދިވެހި ސިފައިންނަށާއި އަދި ސިފައިންގެ ޢާއިލާތަކަށް ތަހުނިޔާ އަރިސްކުރައްވާފައެވެ.

133 vana Sifainge dhuvahuge thahniya, Sifainge emme mathee veriya, Dhivehi Raajjeyge Izzaitheri Raeesul Jumhooriyya Dr @MMuizzu ashai, Sifainge leadership adhi hivvarugadha Dhivehi Sifainnaai aailaa thakah hithuge fumminun dhannavan.

Dhifaaee baaruge askaree qaabiliyyath ithuru… pic.twitter.com/KPeqAqZ1L6

— Mohamed Ghassan Maumoon (@mgmaumoon) April 21, 2025

އިތުރަށް، ދިފާޢީ ބާރުގެ އަސްކަރީ ޤާބިލުކަން އިތުރުކުރެއްވުމަށް ރައީސުލްޖުމްހޫރިއްޔާ ކުރައްވަމުން ގެންދަވާ އަގުހުރި މަސައްކަތްޕުޅުތައް ފާހަގަކުރައްވައި، ދިވެހި ސިފައިންގެ ނަމުގައި ޝުކުރު ދަންނަވާފައިވެއެވެ.

ދިވެހި އަސްކަރިއްޔާގެ ޚިދުމަތުގެ ފެންވަރު މަތިކުރެއްވުމަށް ސަރުކާރުން ގިނަގުނަ މަސައްކަތްތަކެއް ކުރައްވަމުން ގެންދަވައެވެ. ދިވެހި އަސްކަރިއްޔާ އިތުރަށް ބާރުވެރިކުރުވައި، ދިވެހިން އަމިއްލައަށް ދިވެހިރާއްޖޭގެ ސަލާމަތީ ކަންކަން ބެލެހެއްޓުމަކީ ރައީސްގެ ވަޢުދެކެވެ. މި ވަޢުދުގެ ދަށުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ރާއްޖޭގައި ފުރަތަމަ ފަހަރަށް ދިވެހި ސިފައިންގެ ޚިދުމަތަށް “އެއަރ ކޯ” ތަޢާރަފުކުރައްވާފައެވެ. މިކަމާ ގުޅިގެން، ވައިގެ މަގުން ރާއްޖޭގެ ކަނޑުގެ ސަރަޙައްދު ބެލެހެއްޓުމުގެ ޤާބިލުކަން ދިވެހި އަސްކަރިއްޔާއަށް ވަނީ ލިބިގެން ގޮސްފައެވެ.