ކ. އަތޮޅު ރިސޯޓެއް ކައިރިން މިއަދު ފެނުނު ކިނބޫ ސިފައިން ހިފައިފިއެވެ.
އެމްއެންޑީއެފްގެ މީޑިއާ އޮފިޝަލް ވިދާޅުވީ ކ. އަތޮޅުގައި ހިންގާ, ވަރު ބައި އެޓްމޮސްފިޔާ ރިސޯޓުން ކިނބުލެއް ފެނިގެން ސިފައިން ހަރަކާތްތެރިވެ އެ ކިނބޫ ހިފާފައިވާ ކަމަށެވެ.
އެ ކިނބޫ މިހާރު ހިފައި، އެމްއެންޑީއެފްގެ ބެލުމުގެ ދަށަށް ވަނީ ގެންގޮސްފައެވެ. މިއީ ހިކާ ބޮޑުމިނުގެ ކިނބުލެއްކަމެއް އެމްއެންޑީއެފުން ހާމަކޮށްފައެއް ނުވެއެވެ.
ސޯޝަލް މީޑިއާގައި އަންނަނީ އެ ކިނބުލުގެ ވީޑިއޯ އާންމުވެފައެވެ. ބައެއް ފަހަރު މީގެކުރިން ވެސް ރާއްޖެއިން ކިނބޫ ފެނިފައިވެއެވެ.
އެ ކިނބޫ ގެންދިޔަތަނެއް ސިފައިން ނުބުނެއެވެ.
