މި އަހަރުގެ ނަރުހުންގެ ދުވަސް ފާހަގަކުރުމާ ގުޅޭގޮތުން މޯލްޑިވްސް ނޭޝަނަލް ޔުނިވާސިޓީ ގެ، ސްކޫލް އޮފް ނާސިން ގެ އިސްވެރިންނާ ހެލްތު މިނިސްޓަރު އަބްދުﷲ ނާޒިމް އިބްރާހީމް މަޝްވަރާކުރައްވައިފިއެވެ.
ހެލްތު މިނިސްޓްރީގައި މިއަދު ބޭއްވި ބައްދަލުވުމުގައި ވަނީ މިއަހަރުގެ ނަރުހުންގެ ދުވަސް ފާހަގަކުރުމާ ގުޅޭގޮތުން މަޝްވަރާކުރައްވާފައެވެ. މަޝްވަރާކުރެވުނު ކަންތައް ތަކުގެ ތެރޭގައި ނަރުހުން ކުރަމުން އަންނަ މަސައްކަތުގެ އަގުވަޒަން ކުރުމާއި، ނަރުހުންގެ ދުޅަހެޔޮކަމަށް އިސްކަންދިނުމުގެ މުހިންމުކަމުގެ މައްޗަށް ވަނީ އަލިއަޅުވާލާފައެވެ.
މީގެ އިތުރުން ނަރުހުންނަށް ދެވޭ ތަމްރީން އިތުރުކުރުމާއި، އިތުރު ތަމްރީން ފުރުޞަތު ހޯދުމުގެ އިތުރުން މިިނިސްޓްރީ އާއި ގުޅިގެން މަސައްކަތް ކުރުުމަށް ވަނީ މަޝަވަރާކޮށްފައެވެ.މި ބައްދަލުވުމުގައި ސްކޫލް އޮފް ނާސިންގެ ޑީން އާސިޔާ އިބްރާހީމް ގެ އިތުރުން މިނިސްޓްރީގެ އިސްވެރިންވެސް ބައިވެރިވަޑައިގެންނެވިއެވެ.
ނަރުހުންނަށް ހުރި ގޮންޖެހުންތަކަކީ ކޮބައިތޯ ބަލައި އެކަންކަން ހައްލުކުރުމަށް ސަރުކާރުން އަންނަނީ މަސައްކަތް ކުރަމުންނެވެ.
ކިޔުންތެރިންގެ ހިޔާލު