ދަަތުރުފަތުރާއި މަދަނީ އުދުހުންތަކާބެހޭ ވުޒާރާއިން އެއްގަމު އުޅަނދު ދުއްވުމުގެ ލައިސަންސް ދޫކުރުމާބެހޭ ގަވާއިދަށް އިޞްލާޙެއް ގެނެސް، އުމުރުން 60 އަހަރުން މަތީގެ ފަރާތްތަކަށް ޚާއްޞަ ލައިސަންސެއް ތަޢާރަފުކޮށްފިއެވެ. މި އިޞްލާޙުގެ ދަށުން:

• މި ލައިސަންސްގެ ދަށުން ދުއްވުމުގެ ހުއްދަ ދެވޭނީ 60 ސީސީއިން ދަށުގެ މޮޓޯސައިކަލް، އޮޓޯ ސައިކަލް އަދި ރަށު ޕިކަޕް ފަދަ އުޅަނދުތަކަށެވެ.
• މި ލައިސަންސް ބޭނުންކުރެވޭނީ ހަމައެކަނި އެ ލައިސަންސް ދޫކުރި އިދާރާ ހުންނަ ރރަށުގައެވެ.
• ގަޑިއަކު 30 ކިލޯމީޓަރަށްވުރެ މަޑުން ދުއްވުން ހުއްދަކުރާ މަގުތަކުގައި އެކަނި ދުއްވުމުގެ ހުއްދަ ދެވޭނެއެވެ.
• މި ލައިސަންސް ހޯދުމަށް 4 ގަޑިއިރުގެ ތަމްރީން ޕްރޮގްރާމެއް ފުރިހަމަކުރަންޖެހޭނެއެވެ.
• ލައިސަންސްގެ މުއްދަތަކީ 10 އަހަރު ދުވަހެވެ. މުއްދަތު ހަމަވުމުން އައުކުރުމުގެ ބަދަލުގައި އަލުން ތަމްރީން ޕްރޮގްރާމް ފުރިހަމަކޮށް އަލުން ހުށަހެޅިދާނެއެވެ.
• ޓްރެފިކް ގަވާއިދާ ތަކުރާރުކޮށް ޚިލާފުވެއްޖެނަމަ ލައިސަންސް ބާޠިލުކުރެވޭނެއެވެ.

މި އައު އިޞްލާޙުގެ މަޤްޞަދަކީ އިސް ރައްވެހިންނަށް ފަސޭހަކަމާއެކު އުޅަނދު ދުއްވުމުގެ ފުރުޞަތު ފަހިކޮށްދިނުމާއެކު، އެ ފަރާތްތަކުގެ ރައްކާތެރިކަން ކަށަވަރުކުރުމެވެ.