ހަހާސް ބިދޭސީންނަށްވުރެ ގިނަ މީހުން ޤަވާއިދާ ޚިލާފަށް މަސައްކަތްކުރުމުގެ ސަބަބުން ޤައުމުން ބޭރުކޮށްފިއެވެ.
ދިވެހިރާއްޖޭގައި ޤާނޫނާއި ޤަވާއިދާ ޚިލާފަށް ދިރިއުޅެމުންދާ ބިދޭސީންގެ މައްސަލަ ޙައްލުކުރުމަށްޓަކައި، ސަރުކާރުން މިހާރު ދަނީ ޤައުމީ ފެންވަރުގެ ފުޅާ އޮޕަރޭޝަނެއް ކުރިއަށް ގެންދަމުންނެވެ.
މި އޮޕަރޭޝަންގެ ދަށުން، ރާއްޖޭގެ ޤާނޫނުތަކާ ޚިލާފުވެފައިވާ 6،750 އަށްވުރެ ގިނަ ބިދޭސީން ވަނީ ޑިޕޯޓުކޮށްފައެވެ. މިގޮތުން ޑިޕޯޓުކުރެވުނު މީހުންގެ ތެރޭގައި އެންމެ ގިނައީ، ރާއްޖެއަށް އެތެރެކުރެވުނު މަސައްކަތް ނޫން އެހެން މަސައްކަތްތަކުގައި ހަރަކާތްތެރިވި ފަރާތްތަކެވެ.
ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ސްޓޭޓް މިނިސްޓަރ ޢަބްދުލްމަޖީދު އިބްރާހީމް ވިދާޅުވި ގޮތުގައި، މި އޮޕަރޭޝަނުން އެންމެ ބޮޑަށް ފާހަގަކުރެވުނު އެއް ކަމަކީ، ބިދޭސީން ރާއްޖެއަށް އެތެރެކުރެވުނު މަސައްކަތް ނޫން އެހެން މަސައްކަތްތަކުގައި އުޅެމުންދާކަމެވެ. މިއީ ޤަވާއިދާ ޚިލާފު ޢަމަލެކެވެ.
ސަރުކާރުން އިންޒާރު ދެއްވާފައިވާ ގޮތުގައި، ޤަވާއިދާ ޚިލާފަށް މަސައްކަތްކުރާ ބިދޭސީންނާއި، ދިވެހިންނަށް ލިބެންވާ ފުރުސަތުތައް ގެއްލޭގޮތަށް ވިޔަފާރީގައި ހަރަކާތްތެރިވާ ބިދޭސީން ވަގުތުން ޑިޕޯޓުކުރެވޭނެއެވެ.
ވީމާ، ބިދޭސީން ރާއްޖެއަށް އެތެރެކުރާ ފަރާތްތަކުން، އެ ބިދޭސީން ގެނެވުނު މަސައްކަތް ފިޔަވައި އިތުރު މަސައްކަތެއް ނުކުރުވުމަށް ކަމާބެހޭ ފަރާތްތަކުން އިލްތިމާސްކުރައްވައެވެ.
ކިޔުންތެރިންގެ ހިޔާލު