ވެރިކަންކުރާ ޕާޓީން ކުރާ އެއްވެސް ކަމެއް އިދިކޮޅު ފަރާތްތަކަށް ނުފެންނާނެ ކަމަށާއި އެހާލަތު ބަދަލުވާންޖެހޭ ކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ އެމްޑީޕީގެ މެމްބަރު އަބްދުލްޣަފޫރު މޫސާ ވިދާޅުވެއްޖެއެވެ.
ރައްޔިތުންގެ މަޖިލީހުގެ މާލިއްޔަތު ކޮމެޓީގައި ވާހަކަ ދައްކަވަމުން އިދިކޮޅު އެމްޑީޕީ އަށް ނިސްބަތްވެވަޑައިގަންނަވާ ހަނިމާދޫ ދާއިރާގެ އަބްދުލްޣަފޫރު މޫސާ ވިދާޅުވީ މިހާރު ސިޔާސީ މަސްރަހު އޮތްގޮތުން ވެރިކަންކުރާ ޕާޓީން ކުރާ އެއްވެސް ކަމެއް އިދިކޮޅު ފަރާތްތަކަށް ކަމަކުނުދާނެ ކަމަށެވެ. އެގޮތުން ކޮންމެ ސަރުކާރެއް ވެރިކަން ކުރިޔަސް، އެ ސަރުކާރަކުން ކުރާ އެއްވެސް ރަނގަޅު ކަމެއް އިދިކޮޅު ފަރާތްތަކަށް ނުފެންނާނެ ކަމަށް ޣަފޫރު ވިދާޅުވިއެވެ.
“ރައްޔިތުންނަށް ވަރަށް ރަނގަޅަށް އެނގޭނެ ކަންކަން ހިނގައިދިޔަ ގޮތާއި، ވަޢުދުތަކާއި، ކޮށްދޭން ހުރި ކަންތައްތައް. ނަމަވެސް ކޮންމެ ސަރުކާރެއް އަންނައިރު، އެ ސަރުކާރަކުން ކުރާ އެއްވެސް ރަނގަޅު ކަމެއް އިދިކޮޅު ފަރާތްތަކަށް ފެންނާކަށް ނޯވޭ.”
މީގެ އިތުރުން ޣަފޫރު ވިދާޅުވީ އެމްޑީޕީ ވެރިކަމުގައި ތިބިއިރު، އޭރު ނުކުރެވި ހުރި ކަންތައްތައް ވެސް ހުރިކަމަށެވެ.
“މިއަދު މިއޮތީ ޕީއެންސީ ވެރިކަމަށް އައިސް، ދެން އެމްޑީޕީއަކަށް ނޯންނާނެ ޕީއެންސީން ކުރާ އެއްވެސް ރަނގަޅު ކަމެއް ފެންނާކަށް އެކަން ބަދުލު ވާން އެބަޖެހޭ އިގޭތޯ؟ .” ޣަފޫރު ވިދާޅުވިއެވެ.
ވެރިކަންކުރާ ޕާޓީން އިސްނަގައިގެން ކުރާ ހެޔޮ މަސައްކަތްތަކަށް އިދިކޮޅު ފަރާތްތަކުން އެކަށީގެންވާ އަގު ނުވަޒަންކުރާކަމީ ހިތާމަހުރި ކަމެކެވެ. މި ހާލަތު ބަދަލުވެ، ޤައުމީ މަސްލަހަތަށް އިސްކަންދޭ ސިޔާސީ މާހައުލެއް އުފެދުމަކީ މުހިންމު ކަމެކެވެ. އެހެންކަމުން، ވެރިކަންކުރާ ޕާޓީއާއި އިދިކޮޅު ޕާޓީތަކުގެ މެދުގައި ހަރުދަނާ މުޢާމަލާތްތަކެއް ކުރިއަށް ގެންދިއުމާއެކު، އެއްބައިވަންތަކަމާއި އެކުވެރިކަން އާލާކުރުމަށް މަސައްކަތްކުރުމަކީ މުހިންމު ކަމެކެވެ. މިގޮތުން، ޤައުމުގެ ތަރައްޤީއަށް ކުރެވޭ މަސައްކަތްތަކުގައި ހުރިހާ ފަރާތްތަކެއްގެ ބައިވެރިވުން އޮތުމަކީ ވަރަށްވެސް މުހިއްމު ކަމެކެއެވެ.
ކިޔުންތެރިންގެ ހިޔާލު