ކުޅުދުއްފުށި ސިޓީގައި ފުލުހުންގެ ބެލުމުގެ ދަށުގައި ހުރި ފަރާތަކުން އަމިއްލައަށް މަރުވުމަށް މަސައްކަތްކޮށްފިއެވެ.
ފުލުހުންގެ ފަރާތުން މީޑިއާއަށް މަޢުލޫމާތު ދެއްވާފައިވާ ގޮތުގައި، ރޭ 21:12 ގައި ކުޅުދުއްފުށީގައި ފުލުހުންގެ ބެލުމުގެ ދަށުގައި ހުރި ފަރާތަކުން އަމިއްލައަށް މަރުވުމަށް މަސައްކަތްކޮށްފައިވެއެވެ.
ފުލުހުން އިިތުރަށް ވިދާޅުވެފައިވަނީ، އުމުރުން 34 އަހަރުގެ އެ ފަރާތަށް މިހާރު ކުޅުދުއްފުށި ރީޖަނަލް ހޮސްޕިޓަލުގައި ފަރުވާ ދެމުންދާ ކަމަށެވެ.
މި ފަރާތަކީ މަސްތުވެފައި ހުރެ ގޭތެރޭގެ ތަކެއްޗަށް ގެއްލުން ދީ، ހަމަނުޖެހުން ހިންގި މައްސަލައެއްގައި އޭޕްރިލް 2 ވަނަ ދުވަހު ހައްޔަރުކުރެވުނު ފަރާތެއްކަން ފުލުހުން ހާމަކުރައްވާފައިވެއެވެ.
މި ހާދިސާއާ ގުޅިގެން އަޅަންޖެހޭ ފިޔަވަޅުތައް އެޅުމާއެކު، ކަމާ ގުޅޭ މަޢުލޫމާތު ހިއުމަން ރައިޓްސް ކޮމިޝަނާއި ނޭޝަނަލް އިންޓެގްރިޓީ ކޮމިޝަނާ ހިއްސާކުރެވިފައިވާނެ ކަމަށް ފުލުހުން ވިދާޅުވެފައިވެއެވެ.
އަދި މި ހާދިސާ ތަޙްޤީޤުކުރުމަށް ފުލުހުންގެ މޭޖަރ ކްރައިމްސް ޑިޕާޓްމަންޓުގެ ޓީމެއް ކުޅުދުއްފުށްޓަށް ފޮނުވުމަށް ނިންމާފައިވާ ކަމަށް ފުލުހުން މަޢުލޫމާތު ދެއްވާފައިވެއެވެ.
މީގެ އިތުރުން، މި ހާދިސާ ހިނގާފައިވާ ގޮތުގެ އެތެރޭގެ ތަޙްޤީޤެއް ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑުގެ ޓީމުން ޚާއްޞަ އިސްކަމެއް ދީގެން ކުރިއަށް ގެންދާ ކަމަށްވެސް ފުލުހފުލުހުން ހާމަކުރައްވާފައިވެއެވެ.
