މާލެ ދަތުރުކުރަމުންދިޔަ ބޯޓެއްގައި ރޯވެ އަނދައިފިއެވެ.
އެނގިފައިވާ ގޮތުގައި ރޯވެފައިވަނީ “ހޮޅުދޫ ބޯޓް” ނަމަކަށް ކިޔާ މުދާ އުފުލާ ބޯޓެއްގައެވެ. އެ ބޯޓުގައި ރޯވެފައިވަނީ ތ. އަތޮޅުން މުދާ ބަރުކޮށްގެން މާލެ ދަތުރުކުރަމުންދަނިކޮށެވެ.
އެމްއެންޑީއެފުން މިރޭ ބުނީ “ހޮޅުދޫ ބޯޓް” އިން ދަތުރުކުރަމުންދިޔަ 18 މީހުންގެ ތެރެއިން 17 މީހުން ސަލާމަތްކޮށްފައިވާ ކަމަށާއި އެކަކު ހޯދުމުގެ މަސައްކަތްކުރަމުންދާ ކަމަށެވެ. އަދި ގެއްލިގެން ހޯދަމުންދަނީ ލ. މާވަށު، އަލީ މުޝްފިގް (25އ) ކަމަށް އެމްއެންޑީއެފުން ބުންޏެވެ.
މުޝްފިގް ހޯދުމުގެ މަސައްކަތުގައި އެމްއެންޑީއެފް ސެންޓްރަލް އޭރިއާ ކޮމާންޑް ކޯސްްޓްގާޑާއި އެ ސަރަހައްދުގެ ގިނަ އުޅަނދުތަކެއް ހަރަކާތްތެރިވަމުންދާ ކަމަށް އެމްއެންޑީއެފުން ބުންޏެވެ.
ބޯޓުގައި ރޯވި އަލިފާންގަނޑު ނިއްވުމުގެ މަސައްކަތް އެމްއެންޑީއެފުން ދަނީ ކުރަމުންނެވެ.
ކިޔުންތެރިންގެ ހިޔާލު