މާލޭގެ މައްޗަންގޯޅީގައި ހުރި ގެއެއްގައި ނިޔާވެފައިވާ މީހެއްގެ ހަށިގަނޑު ފެނިފައިވާކަމަށް މޯލްޑިވްސް ޕޮލިސް ސަރވިސްއިން ހާމަކޮށްފިއެވެ.
ފުލުހުންގެ ބަޔާނުގައި ވިދާޅުވިގޮތުގައި، އިއްޔެ ރޭ 12:22 ގައި ހޭނެތިފައި އޮތް މީހެއްގެ މަޢުލޫމާތު ފުލުހުންނަށް ލިބުނެވެ. މި މަޢުލޫމާތާ ގުޅިގެން އެ ފަރާތް ވަގުތުން އިންދިރާ ގާންދީ މެމޯރިއަލް ހޮސްޕިޓަލަށް ގެންދެވުނެވެ. ނަމަވެސް، ހޮސްޕިޓަލަށް ގެންދެވުނުއިރު އެ ފަރާތް ވަނީ ނިޔާވެފައިކަމަށް ހޮސްޕިޓަލުން ފުލުހުންނަށް އަންގާފައިވެއެވެ.
ނިޔާވި ފަރާތަކީ 60 އަހަރުގެ ދިވެހި ފިރިހެނެއްކަމަށް ފުލުހުން ހާމަކުރެއްވިއެވެ. މި ހާދިސާއާ ގުޅޭގޮތުން އިތުރު ތަޙްޤީޤުތައް ކުރިއަށްދާކަމަށްވެސް ފުލުހުން ވިދާޅުވިއެވެ.
މި މައްސަލައާ ގުޅޭ އިތުރު ތަފްސީލުތައް މިވަގުތު ހާމަކުރެވެން ނެތްކަމަށް ފުލުހުން ވިދާޅުވެފައިވެއެވެ.
ކިޔުންތެރިންގެ ހިޔާލު