މާދަމާ ހިފާނެ މިއަހަރުގެ ފުރަތަމަ އިރުކޭތަ ފެންނާނީ އެމެރިކާގެ އުތުރު-އިރުމަތީ ސަރަހައްދުތަކާއި ކެނެޑާގެ ބައެއް ހިސާބުތަކަށެވެ. މި އިރުކޭތައިގައި، ހަނދު ދުނިޔެއާއި އިރާ ދެމެދަށް އައިސް އެއްވަރަކަށް އެތުރިގެންދާނެއެވެ. މީގެ ސަބަބުން އިރުގެ އަލިކަން ކޮންމެވެސް ވަރަކަށް އަނދިރިވެގެންދާނެއެވެ. މި ޤުދުރަތީ މަންޒަރު ދުނިޔޭގެޔޭގެ ގާތްގަނޑަކަށް 800 މިލިއަން މީހުންނަށް ބަލައިލެވޭނެ ކަމަށް ލަފާކުރެވެއެވެ.
ނަމަވެސް، މާދަމާގެ އިރުކޭތަ ދިވެހިރާއްޖެ ހިމެނޭ ސަރަހައްދުގެ އެއްވެސް ޤައުމަކަށް ފެނިގެން ނުދާނެއެވެ. ފަލަކީ ހިސާބުތަކުން ދައްކާ ގޮތުގައި، ދިވެހިރާއްޖެއަށް އެންމެ އަވަހަށް އިރުކޭތައެއް ފެންނާނީ 2027 ވަނަ އަހަރުގެ އޮގަސްޓު މަހުގެ 2 ވަނަ ދުވަހުއެވެ.
އެހެންނަމަވެސް، މިއަހަރު ދިވެހިރާއްޖެއަށް ފުރިހަމަ ހަނދުކޭތައެއް ފެންނާނެ ކަމަށް ލަފާކުރެވެއެވެ. މި ހަނދުކޭތަ ހިފާނެ ކަމަށް ބެލެވެނީ ސެޕްޓެމްބަރު މަހުގެ 7 ވަނަ ދުވަހުއެވެ.
