އަލިމަސް ކާނިވަލުގައި އާ ސްޓޭޖެއް ހަދަން ހަތަރު މިލިއަން ރުފިޔާއަށް ބަޔަކާ ހަވާލުކޮށްފިއެވެ.
މާލެ ސިޓީ ކައުންސިލުން މިދިޔަ ހުކުރު ދުވަހު، ކާނިވަލުގެ އާ ސްޓޭޖުގެ މަސައްކަތް ހަވާލުކޮށްފައިވަނީ ޔޫއެޗް އިންވެސްޓްމަންޓް ޕްރައިވެޓް ލިމިޓެޑާއެވެ.
ސިޓީ ކައުންސިލުން މިއަދު ބުނީ އެ ކުންފުންޏާ އެ މަސައްކަތް ހަވާލުކޮށްފައިވަނީ ޖުމުލަ 140 ދުވަހުގެ ތެރޭގައި ނިންމާގޮތަށް ކަމަށާއި އެއީ 4,847,000 (4.8 މިލިއަން) ރުފިޔާގެ މަޝްރޫއެއް ކަމަށެވެ.
އާ ސްޓޭޖުގެ ފޮޓޯއަކާއެކު މާލެ ސިޓީގެ މޭޔަރު އާދަމް އާޒިމް އެކްސްގައި މިއަދު ކުރެއްވި ޕޯސްޓުގައި ވިދާޅުވީ ޒަމާންތަކެއް ވަންދެން ހަލާކުވެ ވީރާނާވެފައިވާ އެ ސްޓޭޖު ދެން ފެނިގެންދާނީ އެންމެ ޒަމާނީ ފެންވަރުގެ ތަނެއްގެ ގޮތުގައި ކަމަށެވެ.
ކައުންސިލުން މިއަދު ވަނީ އަލަށް ހަދާ ސްޓޭޖުގެ ކުރެހުން ވެސް އާންމުކޮށްފައެވެ.
ކިޔުންތެރިންގެ ހިޔާލު