ޕްރައިވެޓް ސެކްޓަރ ތަމްސީލުކުރާ ދެ މެންބަރުން އައްޔަންކުރެވިފައިވަނީ އަޙްމަދު ސަރުވަޝް އާދަމް އަދި ޢަބްދުލް މާޖިދު ޢަލީއެވެ.
އިޤްތިޞާދީ އަދި އެކައުންޓިންގ ދާއިރާއިން މަތީ ތަޢުލީމު ޙާޞިލުކުރައްވާފައިވާ ސަރުވަޝް ވަނީ މޯލްޑިވްސް އިންލަންޑް ރެވެނިއު އޮތޯރިޓީ (މީރާ) ގެ ޗެއަރޕާސަންގެ އިތުރުން މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ބޯޑުގައިވެސް މަސައްކަތްކުރައްވާފައެވެ. އެންމެ ފަހުން އޭނާ އަދާކުރެއްވި މަޤާމަކީ މިނިސްޓްރީ އޮފް ފިނޭންސްގެ ޗީފް ފައިނޭންޝަލް ބަޖެޓް އެގްޒެކެޓިވްގެ މަޤާމެވެ.
ބޭންކިންގ އަދި ފައިނޭންސް ދާއިރާއިން މަތީ ތަޢުލީމު ޙާޞިލުކުރައްވާފައިވާ މާޖިދު ވަނީ 2022 ވަނަ އަހަރުވެސް ޕެންޝަން ބޯޑުގައި މަސައްކަތްކުރައްވާފައެވެ. މީގެ އިތުރުން، ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) ގެ ބޯޑު މެންބަރުކަންވެސް އަދާކުރެއްވިއެވެ.
ޕެންޝަން ބޯޑުގައި ހިމެނެނީ ޖުމްލަ ހަތް މެންބަރުންނެވެ. މި ބޯޑުގެ ޗެއަރޕާސަންގެ މަޤާމު ފުރުއްވަނީ ކުރީގެ މިނިސްޓަރ އޮފް ފިނޭންސް އަޙްމަދު އިނާޒެވެ.
ކިޔުންތެރިންގެ ހިޔާލު