ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) ގެ ރައީސްކަމުގެ މަގާމަށް ފިނޭންސް މިނިސްޓްރީގެ ނައިބަކަށް ހުރި މުހައްމަދު އަނަސް، ރައީސް ޑރ. މުހައްމަދު މުއިއްޒު މިއަދު އައްޔަންކުރައްވައިފިއެވެ.
ރައީސް އޮފީހުން ބުނީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒްކުރުމާއި އަދި މޮނިޓަރކޮށް އިވެލުއޭޓްކުރުމުގެ ގާނޫނުގެ ދަށުން މިއަދު އެ މަގާމަށް އަނަސް އައްޔަންކޮށްފައިވާ ކަމަށެވެ.
ގައުމީ ޔުނިވާސިޓީން މާސްޓާ އޮފް ބިޒްނަސް އެޑްމިނިސްޓްރޭޝަން ހާސިލުކުރައްވާފައިވާ އަނަސް މީގެ ކުރިން އަދާކުރައްވާފައިވާ މަގާމްތަކުގެ ތެރޭގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ އޮޑިޓް މެނޭޖަރުކަމާއި މޯލްޑިވްސް ބިޒްނަސް ސްކޫލުގެ އެސޯސިއޭޓް ޕްރޮފެސާކަމުގެ މަގާމު ވެސް ހިމެނެއެވެ.
ޕީސީބީގެ ރައީސް ގެ މަގާމުގައި ކުރިން ހުންނެވި ހަމްދީ އަގީލް 13 ފެބްރުއަރީ، 2025 ގައި ވަނީ ވަކިކުރައްވާފައެވެ.
ކިޔުންތެރިންގެ ހިޔާލު